မန္တလေးတိုင်းဒေသကြီး၊ ဝမ်းတွင်းမြို့နယ်၌ ဆိုင်ကယ် နှစ်စီး တိုက်မိခဲ့မှုကြောင့် အမျိုးသား တစ်ဦး ထိခိုက်ဒဏ်ရာရရှိ

မန္တလေးတိုင်းဒေသကြီး၊ ဝမ်းတွင်းမြို့နယ်၌ ဆိုင်ကယ် နှစ်စီး တိုက်မိခဲ့မှုကြောင့် အမျိုးသား တစ်ဦး ထိခိုက်ဒဏ်ရာရရှိ

    ၂၀၂၆ ခုနှစ်၊ မတ် ၂၅ ရက်က မန္တလေးတိုင်းဒေသကြီး၊ ဝမ်းတွင်းမြို့နယ်၌ ဆိုင်ကယ် နှစ်စီး တိုက်မိခဲ့မှုကြောင့် အမျိုးသား တစ်ဦး ထိခိုက်ဒဏ်ရာရရှိခဲ့ကြောင်း သိရသည်။

    ဖြစ်စဉ်မှာ မတ် ၂၅ ရက် မွန်းလွဲ ၁ နာရီတွင် မန္တလေးတိုင်းဒေသကြီး၊ ဝမ်းတွင်းမြို့နယ်၊ ဝမ်းတွင်း-သဲတောကားလမ်း၊ အမှတ်(၁)အခြေခံပညာအထက်တန်းကျောင်းရှေ့၌ ယာဉ်တိုက်မှု ဖြစ်ပွားကြောင်း သတင်းအရ ဝမ်းတွင်းမြို့မရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ ဝမ်းတွင်းမြို့မှ သဲတောကျေးရွာဘက်သို့ ရေဆုံးကျေးရွာနေ မြတ်မင်းထက်(၂၅)နှစ် မောင်းနှင်လာသည့် DAYAN-110 ဆိုင်ကယ်သည် အခင်းဖြစ်နေရာအရောက်၌ လမ်းယာဘက်ခြမ်းသို့ ဖြတ်မောင်းစဉ် သဲတောကျေးရွာဘက်မှ အမှတ်(၁)ညောင်ပင်ရပ်ကွက်နေ ဦးမောင်အေး(၅၅)နှစ် မောင်းနှင်လာသည့် ၃၉ ယ-XXXX SUMBO ဆိုင်ကယ်အား ဝင်ရောက်တိုက်မိခဲ့သဖြင့် ဦးမောင်အေးတွင် ထိခိုက်ဒဏ်ရာများ ရရှိခဲ့သောကြောင့် မြတ်မင်းထက် အား ဝမ်းတွင်းမြို့မရဲစခန်း ယာဉ်(ပ)၃/၂၀၂၆၊ ရာဇသတ်ကြီးပုဒ်မ ၃၃၈ ဖြင့် အမှုဖွင့်အရေးယူထားကြောင်း  သတင်းရရှိပါသည်။