ရန်ကုန်တိုင်းဒေသကြီး၊ လှိုင်သာယာ (အနောက်ပိုင်း) မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် အမျိုးသမီးနှစ်ဦး ဒဏ်ရာရရှိ

ရန်ကုန်တိုင်းဒေသကြီး၊ လှိုင်သာယာ (အနောက်ပိုင်း) မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် အမျိုးသမီးနှစ်ဦး ဒဏ်ရာရရှိ

     ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်တွင် ၂၀၂၅ ခုနှစ်၊ နိုဝင်ဘာ ၂ ရက်က ယာဉ်တိုက်မှုဖြစ်ပွား၍ အမျိုးသား တစ်ဦးနှင့် အမျိုးသမီး နှစ်ဦးဒဏ်ရာရရှိခဲ့ကြောင်း သိရသည်။

    ဖြစ်စဉ်မှာ နိုဝင်ဘာ ၂ ရက် နံနက် ၁၁ နာရီ ၃၀ မိနစ်တွင် လှိုင်သာယာ(အနောက်ပိုင်း) မြို့နယ်၊ (၁၉)ရပ်ကွက်၊ ကျန်စစ်သားလမ်းပေါ်၌ ယာဉ်တိုက်မှုဖြစ်ပွားကြောင်းသတင်းအရ အမှတ်(၉) ယာဉ်ထိန်း ရဲတပ်ဖွဲ့စုမှ တပ်ဖွဲ့ဝင်များက သက်သေများနှင့်အတူ သွားရောက်စစ်ဆေးခဲ့ရာ အဆိုပါ လမ်းအတိုင်း တောင်မှမြောက်သို့ သန်လျင်မြို့နယ်၊ ပျဉ်ထောင်ကျောင်းကျေးရွာနေ ဇော်နိုင်ထွန်း (၃၁)နှစ် မောင်းနှင် လာသည့် YGN-34 2S-XXXX SUZUKI CARRY မော်တော်ယာဉ်သည် အခင်းဖြစ် နေရာအရောက်၌ အရှိန်မထိန်းနိုင်ဘဲ တစ်ဖက်ယာဉ်ကြောသို့ရောက်ရှိကာ မျက်နှာချင်းဆိုင်မှ အဆိုပါရပ်ကွက်နေ ဦးဇော်ထက်(၃၉)နှစ်မောင်းနှင်ပြီး ဒေါ်ခင်မာချို(၆၄)နှစ်နှင့် မအေးမြဖြိုး(၂၀)နှစ် တို့လိုက်ပါလာသည့် ဘေးတွဲဆိုင်ကယ်နှင့် ဝင်ရောက်တိုက်မိခဲ့သဖြင့် ဦးဇော်ထက်၊ ဒေါ်ခင်မာချိုနှင့် မအေးမြဖြိုးတို့ ၃ ဦးတွင် ဒဏ်ရာများအသီးသီးရရှိခဲ့သောကြောင့် ဇော်နိုင်ထွန်းအား သောင်ကြီးနယ်မြေရဲစခန်း ယာဉ်(ပ)၂၂/၂၀၂၅၊ ရာဇသတ်ကြီးပုဒ်မ ၃၃၈/၃၃၇/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိသည်။