ရန်ကုန်တိုင်းဒေသကြီး၊ ဒဂုံမြို့သစ်(ဆိပ်ကမ်း)မြို့နယ်၌ ကျွန်းသစ်များ တရားမဝင်သယ်ဆောင်လာသူ အမျိုးသား နှစ်ဦးအား ဖမ်းဆီးအရေးယူ

ရန်ကုန်တိုင်းဒေသကြီး၊ ဒဂုံမြို့သစ်(ဆိပ်ကမ်း)မြို့နယ်၌ ကျွန်းသစ်များ တရားမဝင်သယ်ဆောင်လာသူ အမျိုးသား နှစ်ဦးအား ဖမ်းဆီးအရေးယူ

     ရန်ကုန်တိုင်းဒေသကြီး၊ ဒဂုံမြို့သစ်(ဆိပ်ကမ်း)မြို့နယ်တွင် ၂၀၂၅ ခုနှစ်၊ နိုဝင်ဘာ ၂ ရက်က ကျွန်းသစ်များ တရားမဝင်သယ်ဆောင်လာသူ အမျိုးသား နှစ်ဦးအား ဖမ်းဆီးအရေးယူထားကြောင်း သိရသည်။

      ဖြစ်စဉ်မှာ နိုဝင်ဘာ ၂ ရက် နံနက် ၄ နာရီတွင် ဒဂုံမြို့သစ်(ဆိပ်ကမ်း)မြို့နယ်၊ (၁၆၈)ရပ်ကွက်၊ ဆက်သွယ်ရေးတာဝါတိုင်အနီး၌ ဒဂုံဆိပ်ကမ်းမြို့မရဲစခန်းမှ တပ်ဖွဲ့ဝင်များပါဝင်သော ပူးပေါင်း အဖွဲ့သည် မော်တော်ယာဉ်စစ်ဆေးခြင်းများ ဆောင်ရွက်နေစဉ် ဒဂုံမြို့သစ်(ဆိပ်ကမ်း)မြို့နယ်၊ (၅၃)ရပ်ကွက်နေ ဘုန်းနိုင်(၂၄)နှစ်မောင်းနှင်ပြီး ဒဂုံမြို့သစ်(တောင်ပိုင်း)မြို့နယ်၊ (၁၈)ရပ်ကွက်နေ မြင့်ဌေး(၂၉)နှစ်လိုက်ပါလာသည့် MDY-20 3N-XXXX TOYOTA VOXY မော်တော်ယာဉ်အား ရပ်တန့်စစ်ဆေးရာ ယာဉ်ပေါ်တွင် ကျွန်းသစ် ၁၅၄ တုံးအား တရားမဝင်သယ်ဆောင်လာသည်ကို တွေ့ရှိဖမ်းဆီးရမိခဲ့သဖြင့် ဘုန်းနိုင်နှင့် မြင့်ဌေးတို့ နှစ်ဦးအား ဒဂုံဆိပ်ကမ်းမြို့မရဲစခန်း (ပ)၃၈၉/၂၀၂၅၊ သစ်တောဥပဒေပုဒ်မ ၄၃(က) ဖြင့် အမှုဖွင့်အရေးယူထားကြောင်း သတင်းရရှိသည်။