ရန်ကုန်တိုင်းဒေသကြီး၊ အင်းစိန်မြို့နယ်၊ သုံးခွမြို့နယ်နှင့် ကျောက်တန်းမြို့နယ်တို့၌ နှစ်လုံး၊ သုံးလုံးထီ လောင်းကစားပြုလုပ်သူများအား ဖမ်းဆီးအရေးယူ

ရန်ကုန်တိုင်းဒေသကြီး၊ အင်းစိန်မြို့နယ်၊ သုံးခွမြို့နယ်နှင့် ကျောက်တန်းမြို့နယ်တို့၌ နှစ်လုံး၊ သုံးလုံးထီ လောင်းကစားပြုလုပ်သူများအား ဖမ်းဆီးအရေးယူ

     ၂၀၂၆ ခုနှစ်၊ မေ ၂၆ ရက်နှင့် ၂၇ ရက်တို့က ရန်ကုန်တိုင်းဒေသကြီး၊ အင်းစိန်မြို့နယ်၊ သုံးခွမြို့နယ်နှင့် ကျောက်တန်းမြို့နယ်တို့၌ နှစ်လုံး၊ သုံးလုံးထီလောင်း ကစားပြုလုပ်သူများအား ဖမ်းဆီးအရေးယူထားကြောင်း သိရသည်။

     ဖြစ်စဉ်မှာ မေ ၂၆ ရက် မွန်းလွဲ ၃ နာရီ ၅၅ မိနစ်တွင် ရန်ကုန်တိုင်းဒေသကြီး၊ အင်းစိန် မြို့နယ်၊ ဈေးကုန်း(အနောက်)ရပ်ကွက်နေ ဒေါ်ယဉ်ယဉ်အေး(၄၅)နှစ်၏ နေအိမ်ဈေးဆိုင်၌ နှစ်လုံးထီ လောင်းကစားပြုလုပ်နေကြောင်း သတင်းအရ အင်းစိန်မြို့မရဲစခန်းမှ တပ်ဖွဲ့ဝင်များက သက်သေ များနှင့်အတူ သွားရောက်စစ်ဆေးခဲ့ရာ ၎င်း၏နေအိမ်ဈေးဆိုင်အတွင်း ဒေါ်ယဉ်ယဉ်အေးအား နှစ်လုံးထီ လောင်းကစားပြုလုပ်ရာတွင် အသုံးပြုသည့် ဆက်စပ်ပစ္စည်းများ၊ လောင်းကြေးငွေများ နှင့်အတူ တွေ့ရှိဖမ်းဆီးရမိခဲ့သဖြင့် ယဉ်ယဉ်အေး အား အင်းစိန်မြို့မရဲစခန်း(ပ)၄၉၉/၂၀၂၆၊ လောင်းကစားဥပဒေပုဒ်မ ၁၈(က) ဖြင့် လည်းကောင်း။

     အလားတူ မေ ၂၇ ရက် မွန်းလွဲ ၂ နာရီတွင် သုံးခွမြို့နယ်၊ အမှတ်(၇)ရပ်ကွက်နေ ဦးမြင့်ဌေးဦး (၇၀)နှစ်၏နေအိမ်၌ နှစ်လုံး၊ သုံးလုံးထီ လောင်းကစားပြုလုပ်နေကြောင်း သတင်းအရ သုံးခွမြို့မ ရဲစခန်းမှ တပ်ဖွဲ့ဝင်များက သက်သေများနှင့်အတူ ဝင်ရောက်ရှာဖွေစစ်ဆေးခဲ့ရာ ၎င်း၏နေအိမ် နောက်ဖေးခန်းအတွင်း နှစ်လုံး၊ သုံးလုံးထီ လောင်းကစားပြုလုပ်ရာတွင် အသုံးပြုသည့် ဆက်စပ် ပစ္စည်းများ၊ လောင်းကြေးငွေများနှင့်အတူ တွေ့ရှိဖမ်းဆီးရမိခဲ့သဖြင့် မြင့်ဌေးဦး အား သုံးခွမြို့မရဲစခန်း (ပ)၆၃/၂၀၂၆၊ လောင်းကစားဥပဒေပုဒ်မ ၁၈(က) ဖြင့် လည်းကောင်း။

     အလားတူ မွန်းလွဲ ၂ နာရီ ၃၀ မိနစ်တွင် သုံးခွမြို့နယ်၊ အမှတ်(၇)ရပ်ကွက်နေ  အောင်သူရ (ခ)သူရ(၄၃)နှစ်၏နေအိမ်၌ နှစ်လုံး၊ သုံးလုံးထီ လောင်းကစားပြုလုပ်နေကြောင်း သတင်းအရ  သုံးခွမြို့မရဲစခန်းမှ တပ်ဖွဲ့ဝင်များက သက်သေများနှင့်အတူ ဝင်ရောက်ရှာဖွေစစ်ဆေးခဲ့ရာ အောင်သူရ (ခ)သူရအား နေအိမ်အတွင်း နှစ်လုံး၊ သုံးလုံးထီ လောင်းကစားပြုလုပ်ရာတွင် အသုံးပြုသည့် ဆက်စပ်ပစ္စည်းများ၊ လောင်းကြေးငွေများနှင့်အတူ တွေ့ရှိဖမ်းဆီးရမိခဲ့သဖြင့် အောင်သူရ(ခ) သူရ အား သုံးခွမြို့မရဲစခန်း (ပ)၆၄/၂၀၂၆၊ လောင်းကစားဥပဒေပုဒ်မ ၁၈(က) ဖြင့် လည်းကောင်း။

     ထို့အတူ မွန်းလွဲ ၂ နာရီ ၅၅ မိနစ်တွင် ကျောက်တန်းမြို့နယ်၊ ညောင်ဝိုင်းကျေးရွာနေ အောင်ကိုကိုဇော်(၃၃)နှစ်၏နေအိမ်၌ နှစ်လုံးထီ လောင်းကစားပြုလုပ်နေကြောင်း သတင်းအရ ကျောက်တန်းမြို့မရဲစခန်းမှ တပ်ဖွဲ့ဝင်များက သက်သေများနှင့်အတူ သွားရောက်ရှာဖွေစစ်ဆေးခဲ့ရာ အောင်ကိုကိုဇော်အား ၎င်း၏လက်ကိုင်ဖုန်းအတွင်းမှ နှစ်လုံးထီ လောင်းကစားပြုလုပ်သည့် မှတ်တမ်းနှင့်ဆက်စပ်ပစ္စည်းများ၊ လောင်းကြေးငွေများနှင့်အတူ တွေ့ရှိဖမ်းဆီးရမိခဲ့သဖြင့် ကျောက်တန်း မြို့မရဲစခန်း (ပ)၅၄/၂၀၂၆၊ လောင်းကစားဥပဒေပုဒ်မ ၁၈(က) ဖြင့် လည်းကောင်း အသီးသီး အမှုဖွင့် အရေးယူထားကြောင်း သတင်းရရှိပါသည်။