ရန်ကုန်တိုင်းဒေသကြီး၊ လှိုင်သာယာ(အရှေ့ပိုင်း)မြို့နယ်၌ မော်တော်ယာဉ် တစ်စီး လမ်းလယ်ကျွန်းရှိ ဓာတ်တိုင်အား ဝင်ရောက်တိုက်မိခဲ့မှုကြောင့် အမျိုးသား တစ်ဦး သေဆုံးကာ အမျိုးသမီး တစ်ဦး ထိခိုက်ဒဏ်ရာရရှိ

ရန်ကုန်တိုင်းဒေသကြီး၊ လှိုင်သာယာ(အရှေ့ပိုင်း)မြို့နယ်၌ မော်တော်ယာဉ် တစ်စီး လမ်းလယ်ကျွန်းရှိ ဓာတ်တိုင်အား ဝင်ရောက်တိုက်မိခဲ့မှုကြောင့် အမျိုးသား တစ်ဦး သေဆုံးကာ အမျိုးသမီး တစ်ဦး ထိခိုက်ဒဏ်ရာရရှိ

     ၂၀၂၅ ခုနှစ်၊ ဇွန် ၂၉ ရက်က ရန်ကုန်တိုင်းဒေသကြီး၊ လှိုင်သာယာ(အရှေ့ပိုင်း)မြို့နယ်၌ မော်တော်ယာဉ် တစ်စီး လမ်းလယ်ကျွန်းရှိ ဓာတ်တိုင်အား ဝင်ရောက်တိုက်မိခဲ့မှုကြောင့် အမျိုးသား တစ်ဦး သေဆုံးကာ အမျိုးသမီး တစ်ဦး ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ ဇွန် ၂၉ ရက် နံနက် ၅ နာရီတွင် ရန်ကုန်တိုင်းဒေသကြီး၊ လှိုင်သာယာ(အရှေ့ပိုင်း)မြို့နယ်၊ အမှတ်(၅)လမ်းမကြီး တေးဥယျာဉ်လမ်းအလွန်၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၉)ယာဉ်ထိန်းရဲဒုတပ်ဖွဲ့ခွဲမှူးရုံးမှ တပ်ဖွဲ့ဝင်များပါဝင်သော ပူးပေါင်းအဖွဲ့က သွားရောက်စစ်ဆေးခဲ့ရာ အမှတ်(၅)လမ်းမကြီးအတိုင်း အရှေ့မှ အနောက်ဘက်သို့ ရန်ကုန်တိုင်းဒေသကြီး၊ ကော့မှူးမြို့နယ်၊ ကျိုက်ထော်ကျေးရွာနေ ဝေယံထက်(၂၆)နှစ် မောင်းနှင်ပြီး ဧရာဝတီတိုင်းဒေသကြီး၊ မအူပင်မြို့နယ်၊ ကျုံတာလေးကျေးရွာနေသူများဖြစ်ကြသည့် ဦးသိန်းသန်း(၄၃)နှစ်နှင့် ဒေါ်မျိုးမမ (၄၃)နှစ်တို့ လိုက်ပါလာသည့် YGN-39/3F-XXXX TOYOTA PROBOX အဖြူရောင်မော်တော်ယာဉ်သည် အခင်းဖြစ်နေရာအရောက်၌ အရှိန်မထိန်းနိုင်ဘဲ လမ်းလယ်ကျွန်းရှိ ဓာတ်တိုင်အား ဝင်ရောက်တိုက်မိခဲ့သဖြင့် ဦးသိန်းသန်းမှာ ထိခိုက်ဒဏ်ရာများရရှိကာ သေဆုံးခဲ့ပြီး ဒေါ်မျိုးမမတွင် ထိခိုက်ဒဏ်ရာများ ရရှိခဲ့သဖြင့် ဝေယံထက် အား လှိုင်သာယာ(အရှေ့ပိုင်း)မြို့မရဲစခန်း ယာဉ်(ပ)၂၅/၂၀၂၅၊ ရာဇသတ်ကြီးပုဒ်မ ၃၀၄-က/၃၃၈/၂၇၉ ဖြင့်အမှုဖွင့်အရေးယူထားကြောင်း သတင်းရရှိပါသည်။