ရေဘေးဒဏ် ခံစားရသောဒေသများအတွက် အလှူရှင်များက ဆန်အိတ်များလှူဒါန်း

ရေဘေးဒဏ် ခံစားရသောဒေသများအတွက် အလှူရှင်များက ဆန်အိတ်များလှူဒါန်း

နေပြည်တော် အောက်တိုဘာ ၃

တောင်တရုတ်ပင်လယ်တွင် ဖြစ်ပွားခဲ့သော ရာဂီတိုင်ဖွန်းမုန်တိုင်း၏ သက်ရောက်မှုကြောင့် ရေဘေး ဒဏ်ခံစားရသော ဒေသများအတွက် ဆန်အိတ်များပေးအပ်လှူဒါန်းခြင်း အခမ်းအနားကို လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ သဘာဝဘေးအန္တရာယ် ဆိုင်ရာစီမံခန့်ခွဲမှုဗဟိုဌာန (DMC) ၌ ယနေ့မွန်းလွဲပိုင်းတွင်ကျင်းပရာ ပြည်ထောင်စုဝန်ကြီး ဒေါက်တာ စိုးဝင်းကလက်ခံရယူခဲ့ပြီး ကျေးဇူးတင်စကားပြောကြားကာ ဂုဏ်ပြုမှတ်တမ်းလွှာများ ပြန်လည်ပေးအပ်သည်။

လွှဲပြောင်းပေးအပ်

အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီ၊ နိုင်ငံတကာဆက်ဆံရေးလုပ်ငန်းကော်မတီ (နိုင်ငံခြားရေးဝန်ကြီးဌာန) ၏ ညှိနှိုင်းဆက်သွယ်ပေးမှုဖြင့် ကမ္ဘောဒီးယားနိုင်ငံ DV Group စီးပွားရေးလုပ်ငန်းရှင် ဦးဝမ်ကျားဟွာ (ခ) ဦးမြင့်ဆွေက ငွေကျပ်သိန်း ၂၀၀၀ တန်ဖိုးရှိ ဆန်တန်ချိန် ၁၀၀ နှင့်ညီမျှသည့် ဆန်အိတ်ပေါင်း ၄၀၀၀ နှင့် Senachy Cooperation Co.,Ltd မှ CHEIN CHWIN က ငွေကျပ်သိန်း ၂၀၀ တန်ဖိုးရှိ ဆန်တန်ချိန် ၁၀ တန်နှင့် ညီမျှသည့် ဆန်အိတ်ပေါင်း ၄၀၀ စုစုပေါင်း ဆန်အိတ် ၄၄၀၀ တို့ကို လှူဒါန်းခြင်းဖြစ်၍ အလှူရှင်များကိုယ်စား နိုင်ငံခြားရေးဝန်ကြီးဌာန ညွှန်ကြားရေးမှူးချုပ်နှင့် တာဝန်ရှိသူများ၊ အလှူရှင်များက လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနသို့ လွှဲပြောင်းပေးအပ်ခဲ့ပြီး ရေဘေးသင့်ဒေသများသို့ အမြန်ဆုံးခွဲဝေပေးပို့သွားမည်ဖြစ်ကြောင်း သိရသည်။

သတင်းစဉ်