ဧရာဝတီတိုင်းဒေသကြီး၊ ငပုတောမြို့နယ်၌ ဆိုင်ကယ် နှစ်စီး မျက်နှာချင်းဆိုင် တိုက်မိခဲ့မှုကြောင့် အမျိုးသား သုံးဦး၊ အမျိုးသမီး တစ်ဦးနှင့် ကလေးငယ် တစ်ဦးတို့ ထိခိုက်ဒဏ်ရာရရှိ

ဧရာဝတီတိုင်းဒေသကြီး၊ ငပုတောမြို့နယ်၌ ဆိုင်ကယ် နှစ်စီး မျက်နှာချင်းဆိုင် တိုက်မိခဲ့မှုကြောင့် အမျိုးသား သုံးဦး၊ အမျိုးသမီး တစ်ဦးနှင့် ကလေးငယ် တစ်ဦးတို့ ထိခိုက်ဒဏ်ရာရရှိ

     ၂၀၂၆ ခုနှစ်၊ ဧပြီ ၁ ရက်က ဧရာဝတီတိုင်းဒေသကြီး၊ ငပုတောမြို့နယ်၌ ဆိုင်ကယ် နှစ်စီး မျက်နှာချင်းဆိုင် တိုက်မိခဲ့မှုကြောင့် အမျိုးသား သုံးဦး၊ အမျိုးသမီး တစ်ဦးနှင့် ကလေးငယ် တစ်ဦးတို့ ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ ဧပြီ ၁ ရက် နံနက် ၅ နာရီ ၄၀ မိနစ်တွင် ဧရာဝတီတိုင်းဒေသကြီး၊ ငပုတောမြို့နယ်၊ ပိုးလောင်းကျေးရွာအနီး ပုသိမ်-မော်တင်ကားလမ်း မိုင်တိုင်အမှတ် ၆၁ မိုင်နှင့် ၆၁ မိုင် ၁ ဖာလုံကြား၌ ယာဉ်တိုက်မှုဖြစ်ပွားကြောင်း သတင်းအရ တောင်ကလေးရဲကင်းစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ ပိုးလောင်းကျေးရွာမှ ငရုတ်ကောင်းတောင်ကျေးရွာဘက်သို့ ရွာသစ်ကျေးရွာနေ ဦးထွန်းနိုင်(၅၈)နှစ်မောင်းနှင်ပြီး ပုသိမ်မြို့နယ်၊ အမှတ်(၁၄)ရပ်ကွက်နေ ကိုသိန်းဇော်ဦး(ခ)ဖြိုးဝေယံ(၂၇)နှစ် လိုက်ပါလာသည် 47W-XXXX LUOJIA 110 ဆိုင်ကယ်သည် အခင်းဖြစ်နေရာအရောက်၌ မျက်နှာချင်းဆိုင်မှ ငပုတောမြို့နယ်၊ ဆင်မှုံကျေးရွာနေ ဦးဇော်မင်းလေး(၃၈)နှစ် မောင်းနှင်ပြီး ဇနီးဖြစ်သူ ဒေါ်ထားထားနိုင်(၃၉)နှစ်နှင့် သမီးဖြစ်သူ မခါဝသန်(၈)နှစ်တို့ လိုက်ပါလာသည့် AYY/71W-XXXX LUOJIA 110 ဆိုင်ကယ်နှင့် မျက်နှာချင်းဆိုင် ဝင်ရောက်တိုက်မိခဲ့သဖြင့် ဦးထွန်းနိုင်၊ ကိုသိန်းဇော်ထွန်း(ခ)ဖြိုးဝေယံ၊ ဦးဇော်မင်းလေး၊ ဒေါ်ထားထားနိုင်နှင့် မခါဝသန်တို့ ငါးဦးတွင် ထိခိုက်ဒဏ်ရာများ အသီးသီးရရှိခဲ့သောကြောင့် ထွန်းနိုင်နှင့်ဇော်မင်းလေးတို့ နှစ်ဦးအား ငပုတောမြို့မရဲစခန်း ယာဉ်(ပ)၁/၂၀၂၆၊ ရာဇသတ်ကြီးပုဒ်မ ၃၃၈/၃၃၇/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။