ဧရာဝတီတိုင်းဒေသကြီး၊ မအူပင်မြို့နယ်၌ ယာဉ်တိုက်မှုဖြစ်ပွား၍ ကလေး တစ်ဦး သေဆုံးပြီး အမျိုးသမီး တစ်ဦး ဒဏ်ရာရရှိ

ဧရာဝတီတိုင်းဒေသကြီး၊ မအူပင်မြို့နယ်၌ ယာဉ်တိုက်မှုဖြစ်ပွား၍ ကလေး တစ်ဦး သေဆုံးပြီး အမျိုးသမီး တစ်ဦး ဒဏ်ရာရရှိ

     ၂၀၂၅ ခုနှစ်၊ နိုဝင်ဘာ ၁၃ ရက်က ဧရာဝတီတိုင်းဒေသကြီး၊ မအူပင်မြို့နယ်၌ ယာဉ်တိုက်မှု ဖြစ်ပွား၍ ကလေး တစ်ဦး သေဆုံးပြီး အမျိုးသမီး တစ်ဦး ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ နိုဝင်ဘာ ၁၃ ရက် ည ၈ နာရီ ၃၅ မိနစ်တွင် ဧရာဝတီတိုင်းဒေသကြီး၊ မအူပင် မြို့နယ်၊ ထနီးကျေးရွာအနီး မအူပင်-တွံတေးသွားကားလမ်း မိုင်တိုင်အမှတ် ၉ မိုင် ၄ ဖာလုံနှင့်  ၅ ဖာလုံ ကြားတွင် ယာဉ်တိုက်မှုဖြစ်ပွားကြောင်း သတင်းအရ အမှတ်(၈၂)ယာဉ်ထိန်းရဲတပ်ဖွဲ့စု(မအူပင်)မှ တပ်ဖွဲ့ဝင်များက သွားရောက်စစ်ဆေးခဲ့ရာ မအူပင်မြို့မှ တွံတေးမြို့သို့ ကျိုက်လတ်မြို့၊ သာယာဝဲ ကျေးရွာနေ မင်းထက်(၂၇)နှစ် မောင်းနှင်ပြီး အောင်ပိုင်(၃၀)နှစ် လိုက်ပါလာသော MDY-26/2G-XXXX FOTON AUMARK ဖြူ/ပြာရောင် မော်တော်ယာဉ်သည် အခင်းဖြစ်နေရာအရောက်၌ အရှိန်မထိန်းနိုင်ဘဲ လားရာတူ ရှေ့တွင် မအူပင်မြို့နယ်၊ သံကြိုးတိုင်ကျေးရွာနေ ဒေါ်အေးမြင့်(၂၈)နှစ် စီးနင်းပြီး နောက်တွင် သားဖြစ်သူ မောင်ဇင်ကိုနိုင်(၇)နှစ် လိုက်ပါလာသော စက်ဘီးအား ဝင်ရောက်တိုက်မိသဖြင့် မောင်ဇင်ကိုနိုင်တွင် ဒဏ်ရာများရရှိကာ သေဆုံးခဲ့ပြီး ဒေါ်အေးမြင့်တွင် ထိခိုက်ဒဏ်ရာများရရှိခဲ့သဖြင့် မင်းထက် အား မအူပင်မြို့မရဲစခန်း ယာဉ်(ပ)၂၄/၂၀၂၅၊ ရာဇသတ်ကြီးပုဒ်မ ၃၀၄-က/၃၃၈/၂၇၉ ဖြင့် အမှုဖွင့် အရေးယူ ထားကြောင်း သတင်းရရှိသည်။