မြန်မာ-ရုရှား နှစ်နိုင်ငံ ကုန်သွယ်မှုနှင့်ရင်းနှီးမြှုပ်နှံမှု ပူးပေါင်းဆောင်ရွက်ရေး အရှိန်အဟုန်မြှင့်၊ ပထမအကြိမ် မြန်မာ-ရုရှား စီးပွားရေးလုပ်ငန်းရှင်များ ဆွေးနွေးပွဲ ကျင်းပ

မြန်မာ-ရုရှား နှစ်နိုင်ငံ ကုန်သွယ်မှုနှင့်ရင်းနှီးမြှုပ်နှံမှု ပူးပေါင်းဆောင်ရွက်ရေး အရှိန်အဟုန်မြှင့်၊ ပထမအကြိမ် မြန်မာ-ရုရှား စီးပွားရေးလုပ်ငန်းရှင်များ ဆွေးနွေးပွဲ ကျင်းပ


Ministry of Information/ Naypyitaw / September 28, 2021
image_latest


နေပြည်တော် စက်တင်ဘာ ၂၈

မြန်မာ-ရုရှား နှစ်နိုင်ငံအကြား ကုန်သွယ်မှုနှင့်ရင်းနှီးမြှုပ်နှံမှုများ ပိုမိုတိုးမြှင့်လာစေရန် ရည်ရွယ်၍ ပထမအကြိမ် မြန်မာ-ရုရှား စီးပွားရေးလုပ်ငန်းရှင်များ ဆွေးနွေးပွဲ  (1st Business to Business Dialogue) ကို  ယနေ့မွန်းလွဲ နာရီခွဲတွင် ရုံးအမှတ်() ရင်နှီးမြှုပ်နှံမှုနှင့် နိုင်ငံခြား စီးပွားဆက်သွယ်ရေးဝန်ကြီးဌာန၊ အစည်းအဝေးခန်းမ၌ Virtual စနစ်ဖြင့် ကျင်းပသည်။       

အဆိုပါ ဆွေးနွေးမှု အစီအစဉ်တွင် မြန်မာဘက်မှ ရင်းနှီးမြှုပ်နှံမှုနှင့်နိုင်ငံခြားစီးပွား ဆက်သွယ်ရေးဝန်ကြီးဌာန၊ ပြည်ထောင်စုဝန်ကြီး ဦးအောင်နိုင်ဦးနှင့် ရုရှားဘက်မှ မြန်မာနိုင်ငံ ဆိုင်ရာ ရုရှားဖက်ဒရေးရှင်း သံအမတ်ကြီး H.E. Dr. Nikolay LISTOPADOV တို့က ကြိုဆို နှုတ်ခွန်းဆက်စကားနှင့် အဖွင့်အမှာစကား ပြောကြားကြသည်။

အစီအစဉ်တွင် ရုရှားဖက်ဒရေးရှင်းနိုင်ငံဆိုင်ရာ မြန်မာနိုင်ငံ သံအမတ်ကြီး၊ ပြည်ထောင်စုသမ္မတ မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် ဥက္ကဋ္ဌ၊ ရုရှား-အာဆီယံ စီးပွားရေးကောင်စီဥက္ကဋ္ဌ၊ ရုရှားဖက်ဒရေးရှင်းနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်၏ အာရှနှင့် သမုဒ္ဒရာကျွန်းစုနိုင်ငံများဆိုင်ရာ စီးပွားရေးပူးပေါင်း ဆောင်ရွက်မှုကော်မတီ ဒုတိယအကြီးအကဲ၊ အာရှနိုင်ငံဆိုင်ရာ ဆိုက်ဘေးရီးယား နိုင်ငံတကာ ပူးပေါင်းဆောင်ရွက်ရေး ဉက္ကဋ္ဌနှင့် မြန်မာ- ရုရှား ချစ်ကြည်ရေးအသင်း ဉက္ကဋ္ဌတို့က အမှာစကား ပြောကြားကြသည်။

ဆွေးနွေးပွဲတွင် ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊ ပြည်ထောင်စုဝန်ကြီး က ကိုဗစ် ၁၉ ကူးစက်ရောဂါ အခြေအနေ တည်ငြိမ်ပါက ၂၀၂၁ ခုနှစ်၊ ဒီဇင်ဘာလအတွင်း ကျင်းပရန် စီစဉ်ထားသည့် တတိယအကြိမ် ရုရှား- မြန်မာ အစိုးရအချင်းချင်း ကုန်သွယ်ရေးနှင့်စီးပွားရေး ပူးပေါင်းဆောင်ရွက်ရေးဆိုင်ရာ ပူးတွဲ ကော်မရှင် အစည်းအဝေးမတိုင်မီ ကြိုတင်ပြင်ဆင်သည့် အနေဖြင့် နှစ်နိုင်ငံ စီးပွားရေးလုပ်ငန်းရှင် များဆွေးနွေးပွဲကို ကျင်းပရခြင်း ဖြစ်ပါကြောင်း၊ မြန်မာနိုင်ငံသည် ကုန်သွယ်ရေးနှင့် ရင်းနှီးမြှုပ်နှံမှု များတိုးမြှင့်စေရန်အတွက် ကုန်သွယ်ရေးနှင့် ရင်းနှီးမြှုပ်နှံမှုဆိုင်ရာ ဖြေလျှော့မှုများကို ကပ်ရောဂါအလွန် ပုံမှန်အခြေအနေသစ်နှင့် လိုက်လျောညီထွေဖြစ်အောင် အလေးထားဆောင်ရွက်လျက်ရှိရာ စီးပွားရေး လုပ်ငန်းရှင်များအတွက် အစိုးရဌာနများနှင့် ချိတ်ဆက်ဆောင်ရွက်ရာတွင် စည်းမျဉ်းစည်းကမ်းများကို ဝန်ထုပ်ဝန်ပိုးမဖြစ်စေပဲ ရိုးရှင်းလွယ်ကူစေရန်၊ စီးပွားရေးနှင့် သက်ဆိုင်သည့် ပါမစ်လိုင်စင်များ၊ ထောက်ခံချက်များ ရယူရာတွင် Online ဝန်ဆောင်မှုပေးနိုင်ရန်၊ ရင်းနှီးမြှုပ်နှံမှုနှင့် သက်ဆိုင်သည့် ကိစ္စရပ်များတွင် ပွင့်လင်းမြင်သာမှုရှိစေရန်  စသည်ဖြင့် SMART Programmes ဖြင့် အကောင်အထည်ဖော် ဆောင်ရွက်လျက် ရှိပါကြောင်း။

နှစ်နိုင်ငံ ကုန်သွယ်ရေးနှင့် ရင်းနှီးမြှုပ်နှံမှုများ ပူးပေါင်းဆောင်ရွက်မှု ပိုမိုတိုးမြှင့်ခြင်းဖြင့် နှစ်နိုင်ငံ အနာဂတ် အကျိုးစီးပွားကို ခိုင်မာအားကောင်းလာနိုင်စေပါကြောင်း၊ အဓိကအားဖြင့် ကုန်သွယ်ရေးနှင့် ရင်းနှီးမြှုပ်နှံမှု ပိုမိုတိုးမြှင့်စေရန် နှစ်နိုင်ငံ စီးပွားရေးလုပ်ငန်းရှင်များ ယခုလို တွေ့ဆုံ၍ နှစ်ဖက် စိတ်ဝင်စားသည့် နယ်ပယ်၊ ကဏ္ဍများတွင် ရင်းနှီးမြှုပ်နှံမည့် အခွင့်အလမ်းများကို အပြန်အလှန် ဖလှယ်ခွင့်ရရှိပြီး နှစ်ဦးနှစ်ဖက် အကျိုးရှိမည့် စီးပွားရေးလုပ်ငန်းများ အကောင်အထည်ဖော် ဆောင်ရွက်နိုင်မည် ဖြစ်ပါကြောင်း၊  လက်ရှိအခြေအနေတွင် မြန်မာ- ရုရှား နှစ်နိုင်ငံအကြား ကုန်သွယ်မှုနှင့် ရင်းနှီးမြှုပ်နှံမှု ပမာဏနည်းပါး နေသော်လည်းယခုလို ပထမအကြိမ် စီးပွားရေးလုပ်ငန်းရှင်များ အချင်းချင်းဆွေးနွေးပွဲ (1st Business to Business Dialogue)  ဆောင်ရွက်ခြင်းမှသည် နှစ်နိုင်ငံအကြား ကုန်သွယ်မှုနှင့် ရင်းနှီးမြှုပ်နှံမှု ပမာဏတိုးမြှင့်နိုင်ပြီး ရေရှည်ပူးပေါင်း ဆောင်ရွက်မှုကို ဆောင်ကြဉ်းပေးနိုင်မည်ဟု အခိုင်အမာ ယုံကြည်ကြောင်း ပြောကြားသည်။

ယင်းနောက် ရုရှားနိုင်ငံဘက်မှ စီးပွားရေးလုပ်ငန်းရှင်များ မြန်မာနိုင်ငံ၌ ရင်းနှီးမြှုပ်နှံမှုများ လွယ်ကူချောမွေ့စွာပြုလုပ်နိုင်ရန်အတွက် ကြိုတင်သိရှိထားရမည့် ရင်းနှီးမြှုပ်နှံမှု ဥပဒေများနှင့် အခွင့်အလမ်းများကိုလည်းကောင်း၊ နှစ်နိုင်ငံအကြား ကုန်သွယ်မှုဆိုင်ရာ ဥပဒေမူဘောင်များ၊ လုပ်ထုံးလုပ်နည်းများနှင့် ရှေ့ဆက်လက် ပူးပေါင်းဆောင်ရွက်မည့် အလားအလာများ၊ အခွင့် အလမ်းများနှင့်စပ်လျဉ်း၍လည်းကောင်း ရင်းနှီးမြှုပ်နှံမှုနှင့် နိုင်ငံခြားစီးပွား ဆက်သွယ်ရေးဝန်ကြီး ဌာနနှင့် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနတို့မှ အဆင့်မြင့်အရာရှိကြီးများက ရှင်းလင်းတင်ပြခဲ့ကြသည်။

ဆွေးနွေးပွဲတွင် ရုရှားနိုင်ငံအနေဖြင့် လက်ရှိတွင် Eurasian Economic Union အဖွဲ့ဝင် နိုင်ငံတစ်နိုင်ငံ ဖြစ်သောကြောင့် မြန်မာနိုင်ငံအပါအဝင် ဖွံ့ဖြိုးဆဲနိုင်ငံများသို့ Eurasian Economic Union’s Common System of Tariff  Preferences  ပေးအပ်လျက်ရှိသဖြင့် မြန်မာနိုင်ငံအနေဖြင့် ရုရှားနိုင်ငံသို့ ပို့ကုန်များတင်ပို့ရာတွင် အကောက်ခွန်ကင်းလွတ်ခွင့်ဖြင့် တင်ပို့နိုင်မည့် အခွင့်အလမ်းများ ရရှိမည်ဖြစ်ကြောင်း သိရသည်။

ဆက်လက်၍ ရုရှား- မြန်မာ နှစ်နိုင်ငံအကြား အလားအလာရှိသော ပူးပေါင်းဆောင်ရွက်ရေး နယ်ပယ်ကဏ္ဍများနှင့်စပ်လျဉ်း၍  ဘဏ်လုပ်ငန်းနှင့် အာမခံလုပ်ငန်းကဏ္ဍ၊  လယ်ယာစိုက်ပျိုးရေး၊ မွေးမြူရေးနှင့် ရေလုပ်ငန်းကဏ္ဍ၊ ရေနံ၊ သဘာဝဓာတ်ငွေ့နှင့် စွမ်းအင်ကဏ္ဍ၊ စားသောက် ကုန်ထုတ်လုပ်ခြင်းကဏ္ဍ၊  သတ္တုတူးဖော်ရေးကဏ္ဍစသည့် ကဏ္ဍ () ခုကို မြန်မာ- ရုရှား နှစ်ဖက် အစိုးရ/ ပုဂ္ဂလိက အဖွဲ့အစည်းများမှ ကိုယ်စားလှယ်များက ရှင်းလင်း ဆွေးနွေးခဲ့ကြရာ တက်ရောက်လာသူများက သိရှိလိုသည်များကို စိတ်ဝင်တစား မေးမြန်းခဲ့ကြပြီး နှစ်ဖက်တာဝန်ရှိသူများက ရင်းနှီးပွင့်လင်းစွာ ပြန်လည်ဖြေကြားခဲ့ကြကြောင်း သိရသည်။

ဆွေးနွေးပွဲသို့ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊  ဒုတိယဝန်ကြီးနှင့် နိုင်ငံခြားရေးဝန်ကြီးဌာန၊  စီမံကိန်းနှင့် ဘဏ္ဍာရေးဝန်ကြီးဌာန၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊  သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာန၊ လျှပ်စစ်နှင့်စွမ်းအင် ဝန်ကြီးဌာန၊    စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ မြန်မာနိုင်ငံတော်ဗဟိုဘဏ်၊ ပြည်ထောင်စုသမ္မတ မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ်နှင့် ညီနောင်အသင်းများ ဖြစ်သောမြန်မာနိုင်ငံဘဏ်များအသင်း၊ မြန်မာနိုင်ငံ အာမခံလုပ်ငန်းရှင်များအသင်း၊ မြန်မာနိုင်ငံ ဆန်စပါးအသင်းချုပ်၊ မြန်မာနိုင်ငံ မြေဩဇာ၊ မျိုးစေ့နှင့် စိုက်ပျိုးရေး ဆေးလုပ်ငန်းရှင်များအသင်း၊ မြန်မာနိုင်ငံ ရေထွက်ပစ္စည်း ထုတ်လုပ်သူများနှင့် ပို့ကုန်လုပ်ငန်းရှင်များအသင်း၊ မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်း၊ မြန်မာနိုင်ငံ သတ္တုလုပ်ငန်း ရှင်များအသင်းချုပ်၊ မြန်မာနိုင်ငံ ရေနံနှင့်သဘာဝဓာတ်ငွေ့ ဝန်ဆောင်မှုအသင်း၊ မြန်မာနိုင်ငံ စားသောက်ကုန်ထုတ်လုပ် တင်ပို့ရောင်းချသူများ အသင်းတို့မှ ကိုယ်စားလှယ်များနှင့်  မြန်မာ- ရုရှား ချစ်ကြည်ရေးအသင်းမှ ကိုယ်စားလှယ်များ၊ မြန်မာနိုင်ငံဆိုင်ရာ ရှရှားသံရုံးမှ ကိုယ်စားလှယ်များ၊ ရုရှားဖက်ဒရေးရှင်းနိုင်ငံ၊ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်နှင့် ရုရှားကုမ္ပဏီများမှ ကိုယ်စားလှယ်များ၊ အာရှနိုင်ငံဆိုင်ရာ ဆိုက်ဘေးရီးယား နိုင်ငံတကာ ပူးပေါင်းဆောင်ရွက်ရေးအဖွဲ့မှ ကိုယ်စားလှယ်များ တက်ရောက်ခဲ့သည်။

(သတင်းစဉ်)


၁၃၈၃ ခုနှစ်၊ သီတင်းကျွတ်လပြည့်နေ့ ၊ အောက်တိုဘာ ၂၀ ရက်၊ဗုဒ္ဓဟူးနေ့။


Posted on Oct 20, 2021

၁၃၈၃ ခုနှစ်၊ သီတင်းကျွတ်လဆန်း ၁၄ ရက် ၊ အောက်တိုဘာ ၁၉ ရက်၊အင်္ဂါနေ့။


Posted on Oct 19, 2021

၁၃၈၃ ခုနှစ်၊ သီတင်းကျွတ်လဆန်း ၁၃ ရက် ၊ အောက်တိုဘာ ၁၈ ရက်၊တနင်္လာနေ့။


Posted on Oct 18, 2021

၁၃၈၃ ခုနှစ်၊ သီတင်းကျွတ်လဆန်း ၁၂ ရက် ၊ အောက်တိုဘာ ၁၇ ရက်၊တနင်္ဂနွေနေ့။


Posted on Oct 17, 2021

၁၃၈၃ ခုနှစ်၊ သီတင်းကျွတ်လဆန်း ၁၁ ရက် ၊ အောက်တိုဘာ ၁၆ ရက်၊စနေနေ့။


Posted on Oct 16, 2021

၁၃၈၃ ခုနှစ်၊ သီတင်းကျွတ်လဆန်း ၁၀ ရက် ၊ အောက်တိုဘာ ၁၅ ရက်၊သောကြာနေ့။


Posted on Oct 15, 2021
ကြေညာချက်များဆက်လက်ကြည့်ရှုရန် >

ရာထူးတိုးမြှင့်ရေးဆိုင်ရာအဆိုပြုတင်ပြလာမှုများအပေါ်စိစစ်သဘောတူညီချက်ပြန်ကြားဆောင်ရွက်ခြင်း (၃၀/၂၀၂၁)

Posted on Oct 18, 2021

ရာထူးတိုးမြှင့်ရေးဆိုင်ရာအဆိုပြုတင်ပြလာမှုများအပေါ်စိစစ်သဘောတူညီချက်ပြန်ကြားဆောင်ရွက်ခြင်း (၃၀/၂၀၂၁)

ပြည်ထောင်စုသမ္မတမြန်မာနိုင်ငံတော်အစိုးရ နိုင်ငံတော်စီမံအုပ်ချုပ်ရေး ကောင်စီဥက္ကဋ္ဌ၊ နိုင်ငံတော်ဝန်ကြီးချုပ်၊ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု...

Posted on Oct 15, 2021

၂၀၂၁ ခုနှစ်၊ အောက်တိုဘာလ ၁၅ ရက်သည် ပြည်ထောင်စုသမ္မတ မြန်မာနိုင်ငံတော်အစိုးရနှင့် တိုင်းရင်းသား လက်နက်ကိုင်အဖွဲ့အစည်းများအကြား အမျိုးသားစည်းလုံးညီညွတ်ရေးနှင့် ငြိမ်းချမ်းရေး အတွက်ချုပ်ဆိုသော တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) ချုပ်ဆို ခဲ့သည့် (၆) နှစ်မြောက် နှစ်ပတ်လည်နေ့ပင် ဖြစ်ပါသည်။ ရဟန်းရှင်လူပြည်သူအပေါင်းနှင့် တိုင်းရင်းသား ညီအစ်ကိုမောင်နှမများအားလုံး အေးချမ်းသာယာသော လူမှုဘဝများ ပိုင်ဆိုင်နိုင်ကြ ပါစေကြောင်းနှင့် နိုင်ငံတော်အကျိုး၊ ပြည်ထောင်စုအကျိုး၊ ရေရှည်တည်တံ့ခိုင်မြဲသည့် ငြိမ်းချမ်းရေး ရရှိရေးတို့အတွက် ဆတက်ထမ်းပိုး တိုးတက်ဆောင်ရွက်နိုင်ကြပါစေကြောင်း ဆုတောင်းမေတ္တာပို့သ နှုတ်ခွန်းဆက်သ အပ်ပါသည်။