ခွါညိုပန်းနှင့်မြင်းခင်းပွဲ အထူးထုတ် စာပို့တံဆိပ်ခေါင်းသစ် ရောင်းချပေးမည်
ခွါညိုပန်းနှင့်မြင်းခင်းပွဲ အထူးထုတ် စာပို့တံဆိပ်ခေါင်းသစ် ရောင်းချပေးမည်
Ministry of Information/ နေပြည်တော် / December 28, 2018
နေပြည်တော် ဒီဇင်ဘာ ၂၈
ပို့ဆောင်ရေးနှင့်ဆက်သွယ်ရေးဝန်ကြီးဌာန၊ မြန်မာ့စာတိုက်လုပ်ငန်းမှ (၁၂)လ ရာသီ ပွဲတော်များနှင့် ပန်းများအထိမ်းအမှတ်၊ ပြာသိုလအတွက် ခွါညိုပန်းနှင့် မြင်းခင်းပွဲ အထူးထုတ် စာပို့တံဆိပ်ခေါင်းသစ် (၁)မျိုးအား ၂၀၁၉ ခုနှစ်၊ ဇန်နဝါရီလ (၆) ရက်၊ မြန်မာ့ သက္ကရာဇ် ၁၃၈၀ ပြည့်နှစ်၊ ပြာသိုလဆန်း (၁)ရက် (တနင်္ဂနွေ) နေ့၊ နံနက် ၉ နာရီခွဲမှ စတင်၍ တိုင်းဒေသကြီး/ပြည်နယ်များရှိ လုပ်ငန်းပြည့် စာတိုက်အသီးသီးတွင် ရောင်းချပေး သွားမည်ဖြစ်သည်။
အထူးအစီအစဉ်တစ်ရပ်အနေဖြင့် နေပြည်တော် ဗဟိုစာတိုက်ကြီး၊ ရန်ကုန်စာတိုက်ကြီးနှင့် မန္တလေးစာတိုက်ကြီးတို့၌ ၂၀၁၉ ခုနှစ်၊ ဇန်နဝါရီလ (၆) ရက်နေ့၌ ဝယ်ယူသော စာပို့ တံဆိပ်ခေါင်းများနှင့် ပထမနေ့စာအိတ် (Firstday Cover) များပေါ်တွင် နေ့စွဲအမှတ်အသား တံဆိပ်ရိုက်နှိပ်ပေးမည်ဖြစ် ကြောင်းသိရသည်။
(သတင်းစဉ်)