ဓာတုပစ္စည်းနှင့် ဆက်စပ်ပစ္စည်းများတင်သွင်းခြင်း၊ တင်ပို့ခြင်းနှင့် နိုင်ငံတွင်းမှတစ်ဆင့် ဖြတ်သန်းကုန်သွယ်ခြင်းတို့အတွက် ထောက်ခံချက် လျှောက်ထားခြင်း
ဓာတုပစ္စည်းနှင့် ဆက်စပ်ပစ္စည်းများတင်သွင်းခြင်း၊ တင်ပို့ခြင်းနှင့် နိုင်ငံတွင်းမှတစ်ဆင့် ဖြတ်သန်းကုန်သွယ်ခြင်းတို့အတွက် ထောက်ခံချက် လျှောက်ထားခြင်း
Ministry of Industry / April 10, 2018
ဝန်ဆောင်မှုရယူရန် အခြေခံလိုအပ်ချက်များ
- ဓာတုပစ္စည်းနှင့်ဆက်စပ်ပစ္စည်း(များ)ကို ပြည်ပသို့ တင်ပို့လိုပါက သတ်မှတ်ပုံစံ (၃)၊ ပြည်တွင်းသို့ တင်သွင်းလိုပါက သတ်မှတ်ပုံစံ (၄)၊ နိုင်ငံတွင်းမှတစ်ဆင့် ဖြတ်သန်း ကုန်သွယ်ခြင်း အတွက် သတ်မှတ်ပုံစံ (၁၃)
- အရောင်းအဝယ်စာချုပ် (Sale Contract) မိတ္တူ
- အန္တရာယ်ကင်းရှင်းမှုအဆင့် မှတ်တမ်းလွှာ (Material Safety Data Sheet -MSDS)
ဝန်ဆောင်ခ
မရှိပါ။
လိုအပ်သောစာရွက် စာတမ်းများ
- ကုမ္ပဏီ Letter Head ဖြင့် ကုမ္ပဏီ၏ Managing Director သို့မဟုတ် Director အဖွဲ့ဝင် တစ်ဦးဦးမှ လက်မှတ်ရေးထိုးလျှောက်ထားသည့် လျှောက်လွှာ (မှတ်ပုံတင်မိတ္တူပူးတွဲ)
- Proforma Invoice မိတ္တူ
- တင်ပို့/တင်သွင်း/နိုင်ငံတွင်းမှတစ်ဆင့်ဖြတ်သန်းကုန်သွယ်ခြင်း ပြုလုပ်လိုသည့် ဓာတု ပစ္စည်း သို့မဟုတ် ဆက်စပ်ပစ္စည်း(များ) အား အသုံးပြုမည့်နည်းလမ်း (အသုံးပြုပုံ)
- ပညာရေးဝန်ကြီးဌာန၊ သုတေသနနှင့်တီထွင်ဆန်းသစ်မှုဦးစီး ဌာန (D.R.I) မှ Analysis Report
- Certificate of Analysis (COA) Form VI ၊ Form XXVI အပါအဝင် ကုမ္ပဏီမှတ်ပုံတင်တွဲ မိတ္တူ
လျှောက်ထားရန်အဆင့်များ
အဆင့် ၁
ထောက်ခံချက်လျှောက်လွှာလက်ခံစိစစ်ခြင်း
လိုအပ်သော စာရွက်စာတမ်းများစိစစ်ပြီး ပြည်စုံပါက ဆက်လက် ဆောင်ရွက်ခြင်း၊ မပြည့်စုံပါက လိုအပ်သည်များ ပြန်လည်တောင်းယူ ပြီး စိစစ်ဆောင်ရွက်ခြင်း
အဆင့် ၂
ထောက်ခံချက် လျှောက်လွှာနှင့် လိုအပ်သော စာရွက်စာတမ်းများအား ထပ်မံစိစစ်ခြင်း
အဆင့် ၃
ဗဟိုကြီးကြပ်ရေးအဖွဲ့ဥက္ကဋ္ဌနှင့် အတွင်းရေးမှူးတို့မှ ထောက်ခံချက် တွင် လက်မှတ်ရေးထိုးခြင်း
အဆင့် ၄
ထောက်ခံချက်မှတ်ပုံတင်ခြင်းနှင့် ထောက်ခံ ချက်ထုတ်ပေးခြင်း
ထောက်ခံချက်၏ သက်တမ်းမှာ (၆)လ ဖြစ်ပါသည်။ ထောက်ခံချက် လာရောက်ထုတ်ယူရာတွင် ကိုယ်စားလှယ်ဖြစ်ပါက ကိုယ်စားလှယ် လွှဲစာဖြင့် ထုတ်ယူရမည်ဖြစ်ပါသည်။
ဆက်သွယ်ရမည့်လိပ်စာ
နေပြည်တော်
ဥက္ကဋ္ဌဓာတုပစ္စည်းနှင့် ဆက်စပ်ပစ္စည်းများအန္တရာယ်မှ တားဆီးကာကွယ် ရေးဗဟို ကြီးကြပ်ရေးအဖွဲ့။
စက်မှုပူးပေါင်းဆောင်ရွက်ရေးဦးစီးဌာန၊စက်မှုဝန်ကြီးဌာန၊ ရုံးအမှတ်(၃၀)၊ နေပြည်တော်။
ဖုန်း-၀၆၇-၄၀၅၃၂၄၊ Fax: ၀၆၇-၄၀၅၀၅၂
e-mail : myanmarchemical@gmail.com
ဝန်ဆောင်မှုရရှိနိုင် မည့်တည်နေရာများ
နေပြည်တော်
စက်မှုပူးပေါင်းဆောင်ရွက်ရေးဦးစီးဌာန၊စက်မှုဝန်ကြီးဌာန၊ ရုံးအမှတ်(၃၀)၊ နေပြည်တော်။
ဖုန်း-၀၆၇-၄၀၅၃၂၄၊ Fax: ၀၆၇-၄၀၅၀၅၂
e-mail : myanmarchemical@gmail.com
Website လိပ်စာ
http://www.industry.gov.mm/my/article/announcements/692
FAQs
မေး - ဓာတုပစ္စည်းနှင့်ဆက်စပ်ပစ္စည်းများဆိုင်ရာ လုပ်ငန်းလိုင်စင် လျှောက်ထားရန် ဘာတွေလိုအပ်လဲ။
ဖြေ - အာမခံထားရှိရခြင်းအကြောင်းအရင်းအား သိရှိနားလည်စေရန် ရှင်းလင်းပြောကြားပေးပါသည်။
- ဓာတုပစ္စည်းနှင့် ဆက်စပ်ပစ္စည်းများအန္တရာယ်မှ တားဆီး ကာကွယ်ရေးဥပဒေ၊ နည်းဥပဒေများ၊ အမိန့်ကြော်ငြာစာ များ နှင့်ပတ်သက်၍ သိလိုသည့်မေးမြန်းချက်အား ရှင်းလင်းပြော ကြားပေးပါသည်။
- လိုင်စင်လျှောက်ထားရန် Company Letter ဖြင့် လျှောက်ထားစာ၊ လျှောက်လွှာပုံစံ(၁)၊ အာမခံမိတ္တူနှင့် အခြား လိုအပ်သည့် အချက်အလက်များဖြင့် ပြည့်စုံလျှင် အချက်အလက်အားလုံးအား မူရင်း(၁)စုံ၊ မိတ္တူ(၁)စုံဖြင့် လျှောက် ထားရန်လိုအပ်ပါ သည်။
မေး - ဓာတုပစ္စည်းနှင့်ဆက်စပ်ပစ္စည်းများ မှတ်ပုံတင်လျှောက်ထား ရန် ဘာတွေလိုအပ်လဲ။
ဖြေ - ဓာတုပစ္စည်းနှင့် ဆက်စပ်ပစ္စည်းများဆိုင်ရာ လုပ်ငန်း လိုင်စင်နှင့် မိတ္တူယူဆောင်လာရမည်ဖြစ်ပါသည်။
- ဓာတုပစ္စည်းနှင့် ဆက်စပ်ပစ္စည်းများအန္တရာယ်မှ တားဆီး ကာကွယ်ရေးဥပဒေ၊ နည်းဥပဒေများ၊ အမိန့်ကြော်ငြာစာ များ နှင့်ပတ်သက်၍ သိလိုသည့် မေးမြန်းချက်အား ရှင်းလင်းပြော ကြားပါသည်။
- ဓာတုပစ္စည်းနှင့် ဆက်စပ်ပစ္စည်းများမှတ်ပုံတင်လက်မှတ် လျှောက်ထားရာတွင် Company Letter ဖြင့် လျှောက်ထားစာ၊ လျှောက်လွှာပုံစံ(၇)၊ ဓာတုပစ္စည်းနှင့် ဆက်စပ်ပစ္စည်းများ အန္တရာယ်မှ တားဆီးကာကွယ်ရေး နည်းဥပဒေများ(၂၆)ပါ အချက်အလက်များ၊ Certificate of Analysis (COA)၊ စသည့်အချက်အလက်များပြည့်စုံလျှင်မူရင်း(၁)စုံ၊ မိတ္တူ(၁)စုံဖြင့် လျှောက်ထားရန်လိုအပ်ပါသည်။
မေး - ဓာတုပစ္စည်းနှင့်ဆက်စပ်ပစ္စည်း(များ)ကို ပြည်ပသို့ တင်ပို့ ခြင်း၊ ပြည်တွင်းသို့ တင်သွင်းခြင်းနှင့် နိုင်ငံတွင်းမှတစ်ဆင့် ဖြတ်သန်း ကုန်သွယ်ခြင်းတို့အတွက် ထောက်ခံချက်လျှောက်ထားရန် ဘာတွေလိုအပ်လဲ။ ဝန်ဆောင်ခ ဘယ်လောက်ပေးရပါသလဲ။ ထောက်ခံချက်ရရှိရန် အချိန်ဘယ်လောက်ကြာသလဲ။ ထောက်ခံချက် သက်တမ်း ဘယ်လောက်ရှိပါသလဲ။ DRI ၏ Lab စစ်ဆေးချက်သက်တမ်း ဘယ်လောက်ရှိ ပါ သလဲ။ မည်သည့်ဓာတုပစ္စည်းနှင့် ဆက်စပ်ပစ္စည်းများကို ထောက်ခံချက်ရယူရမလဲ။
ဖြေ - ထောက်ခံချက်လျှောက်ထားရန် လိုအပ်သော အချက် အလက်များအား စက်မှုဝန်ကြီးဌာန၏ Official Website ဖြစ်သော http://www.industry.gov.mm တွင် ဝင်ရောက်ကြည့်ရှုနိုင်ပါ သည်။
- ဝန်ဆောင်ခ လုံးဝ(လုံးဝ) ပေးဆောင်ရန် မလိုအပ်ပါ။
- အချက်အလက်ပြည့်စုံပါက အချိန် (၁)ရက်ခန့်သာ ကြာမြင့် ပါသည်။
- ထောက်ခံချက် သက်တမ်းသည် (၆)လ ရှိပါသည်။
- DRI ၏ Lab စစ်ဆေးချက်သက်တမ်းသည် (၁)နှစ် ရှိပါသည်။