ကချင်ပြည်နယ်၊ မြစ်ကြီးနားမြို့နယ်၊ မြို့သစ်ကြီးရပ်ကွက်၌ နေအိမ် မီးလောင်မှု

ကချင်ပြည်နယ်၊ မြစ်ကြီးနားမြို့နယ်၊ မြို့သစ်ကြီးရပ်ကွက်၌ နေအိမ် မီးလောင်မှု

     ၂၀၂၆ ခုနှစ်၊ ဖေဖော်ဝါရီ ၄ ရက် နံနက် ၈ နာရီခန့်က ကချင်ပြည်နယ်၊ မြစ်ကြီးနားမြို့နယ်၊ မြို့သစ်ကြီးရပ်ကွက်၌ ပိုင်ရှင် ဦးဇော်လွင်(၅၀)နှစ်၏ ၂၇ x ၁၈ ပေ၊ သွပ်မိုး၊ အုတ်ညှပ်၊ ထရံကာ၊ ပျဉ်ခင်း နှစ်ထပ် နေအိမ်အပေါ်ထပ်ရှိ အခန်းကာရံထားသော သုံးထပ်သားပြားပေါ်တွင် တပ်ဆင် ထားသည့် ရေခဲသေတ္တာ Safeguard အပူလွန်ကဲရာမှ မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် ကချင်ပြည်နယ်မီးသတ်ဦးစီးမှူးရုံးနှင့် မြစ်ကြီးနားမြို့နယ်မီးသတ်စခန်းများမှ မီးသတ်တပ်ဖွဲ့ဝင်များ သည် မီးသတ်ယာဉ် လေးစီးဖြင့် မီးငြှိမ်းသတ်ခဲ့ရာ နံနက် ၈ နာရီ ၃၀ မိနစ်တွင် မီးငြိမ်းခဲ့ပါသည်။ 

     အဆိုပါမီးလောင်မှုကြောင့် ၂၇ x ၁၈ ပေ၊ သွပ်မိုး၊ အုတ်ညှပ်၊ ထရံကာ၊ ပျဉ်ခင်း နှစ်ထပ် နေအိမ်အပေါ်ထပ် မီးလောင်ဆုံးရှုံးခဲ့ကြောင်းနှင့် ပိုင်ရှင် ဇော်လွင် အား မြစ်ကြီးနားမြို့နယ်၊ အမှတ်(၂) နယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။