ကချင်ပြည်နယ်၊ မြစ်ကြီးနားမြို့နယ်၊ လယ်ကုန်းရပ်ကွက်၌ နေအိမ် မီးလောင်မှု

ကချင်ပြည်နယ်၊ မြစ်ကြီးနားမြို့နယ်၊ လယ်ကုန်းရပ်ကွက်၌ နေအိမ် မီးလောင်မှု

     ၂၀၂၆ ခုနှစ်၊ မေ ၂၄ ရက် နံနက် ၁၀ နာရီ ၂၀ မိနစ်ခန့်က ကချင်ပြည်နယ်၊ မြစ်ကြီးနား မြို့နယ်၊ လယ်ကုန်းရပ်ကွက်၌ ပိုင်ရှင် ကိုရှိုင်းထက်အောင်(၂၇)နှစ်၏ ၁၆ x ၁၆ ပေ၊ သွပ်မိုး၊ ထရံကာ၊ မြေစိုက် တစ်ထပ် နေအိမ်တွင် မီးပလတ်ခုံ အပူလွန်ကဲရာမှ အနီးရှိ ထရံသို့ မီးကူးစက်လောင်ကျွမ်းမှု ဖြစ်ပွားကြောင်း သတင်းရရှိသဖြင့် မြစ်ကြီးနားခရိုင်၊ မြို့နယ်မီးသတ်စခန်းများမှ မီးသတ်တပ်ဖွဲ့ဝင် များသည် မီးသတ်ယာဉ် ခြောက်စီးဖြင့် မီးငြှိမ်းသတ်ခဲ့ရာ နံနက် ၁၀ နာရီ ၅၅ မိနစ်တွင် မီးငြိမ်းခဲ့ ပါသည်။

     အဆိုပါမီးလောင်မှုကြောင့် ၁၆ x ၁၆ ပေ၊ သွပ်မိုး၊ ထရံကာ၊ မြေစိုက် တစ်ထပ် နေအိမ် သုံးလုံး၊ ၁၆ x ၁၆ ပေ၊ သွပ်မိုး၊ ထရံကာ၊ ပျဉ်ခင်း နှစ်ထပ် နေအိမ် တစ်လုံး၊ ၂၀ x ၂၀ ပေ၊ သွပ်မိုး၊ ထရံကာ၊ ပျဉ်ခင်း နှစ်ထပ် နေအိမ် တစ်လုံး စုစုပေါင်း နေအိမ် ငါးလုံး မီးလောင်ဆုံးရှုံးခဲ့ကြောင်းနှင့် ရှိုင်းထက်အောင် အား မြစ်ကြီးနားနယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။