ကရင်ပြည်နယ် (၂၀)ကြိမ်မြောက် မြန်မာ့ရိုးရာယဉ်ကျေးမှု စုပေါင်းထမနဲထိုးပြိုင်ပွဲကို စည်ကားသိုက်မြိုက်စွာကျင်းပမည်

ကရင်ပြည်နယ် (၂၀)ကြိမ်မြောက် မြန်မာ့ရိုးရာယဉ်ကျေးမှု စုပေါင်းထမနဲထိုးပြိုင်ပွဲကို စည်ကားသိုက်မြိုက်စွာကျင်းပမည်

ဘားအံ - ဇန်နဝါရီ (၁၂)

ကရင်ပြည်နယ်အစိုးရအဖွဲ့၊ (၂၀)ကြိမ်မြောက် မြန်မာ့ရိုးရာယဉ်ကျေးမှု စုပေါင်းထမနဲထိုးပြိုင်ပွဲကို ဘားအံမြို့၊ သီရိ ကွင်းတွင် စည်ကားသိုက်မြိုက်စွာကျင်းပသွားမည်ဖြစ်ကြောင်း ဇန်နဝါရီလ ၁၂ ရက်နေ့ နံနက် ၁၀ နာရီက ပြည်နယ်အစိုးရ အဖွဲ့ရုံး အစည်းအဝေးခန်းမ(၂)တွင် ကျင်းပသည့် စုပေါင်းထမနဲထိုးပြိုင်ပွဲကျင်းပရေးစီမံခန့်ခွဲမှုဦးစီးကော်မတီနှင့် အထောက်အကူပြုလုပ်ငန်းကော်မတီတို့၏ လုပ်ငန်းညှိနှိုင်းအစည်းအဝေးမှ သိရသည်။

ဦးစွာ ပြည်နယ်ဝန်ကြီးချုပ်ဦးစောမြင့်ဦးက မြန်မာ့ရိုးရာယဉ်ကျေးမှုစုပေါင်းထမနဲထိုးပြိုင်ပွဲကို စည်ကား သိုက်မြိုက်စွာ ကျင်းပသွားနိုင်ရေး ဆပ်ကော်မတီ၊ အထောက်အကူပြုလုပ်ငန်းကော်မတီများကို အသီးသီးဖွဲ့စည်းတာဝန် ပေးအပ်ထားပြီး လိုအပ်သည်များနှင့်ဆုံးဖြတ်အတည်ပြုပေးရမည့်ကိစ္စရပ်များကို ယခုအစည်းအဝေးတွင် တင်ပြဆွေးနွေး ပေးကြစေလိုကြောင်း ပြောကြားသည်။

ထို့နောက် ပြိုင်ပွဲကျင်းပရေးအထောက်အကူပြုလုပ်ငန်းကော်မတီအတွင်းရေးမှူးများက ဘားအံမြို့ပေါ်ရှိ ရပ်ကွက်/ကျေးရွာအုပ်စုများ၊ ဌာနဆိုင်ရာများ၊ တက္ကသိုလ်၊ ဒီဂရီကောလိပ်၊ သိပ္ပံများ၊ လူမှုရေးအသင်းအဖွဲ့များ၊ တပ်ရင်း တပ်ဖွဲ့များနှင့်တိုင်းရင်းသားလက်နက်ကိုင်ငြိမ်းချမ်းရေးအဖွဲ့အစည်းများဝင်ရောက်ယှဉ်ပြိုင်နိုင်ရေး၊ မြန်မာ့ရိုးရာယဉ်ကျေး မှုစုပေါင်းထမနဲထိုးပြိုင်ပွဲ အထိမ်းအမှတ် မီးပုံးပျံကြီးများလွတ်တင်နိုင်ရေး၊ ဧည့်ခံကျွေးမွေးရေး၊ ဆုချီးမြှင့်ရေး၊ အမှတ်ပေး အကဲဖြတ်နိုင်ရေး၊ စာရင်းစစ်ဆေးရေးဆိုင်ရာကိစ္စရပ်များကို ဆွေးနွေးတင်ပြခဲ့ကြပြီး တက်ရောက်လာသူများက ဝိုင်းဝန်း အကြံပြုဆွေးနွေးတင်ပြကြရာ ပြည်နယ်ဝန်ကြီးချုပ်က တင်ပြဆွေးနွေးမှုများအပေါ် ပေါင်းစပ်ညှိနှိုင်းဖြည့်ဆည်းဆောင် ရွက်ပေးကာ နိဂုံးချုပ်အမှာစကားပြောကြားခဲ့သည်။

အဆိုပါပြိုင်ပွဲသို့ ပြိုင်ပွဲဝင်အထမနဲထိုးအသင်း ၆၆ သင်းဝင်ရောက်ယှဉ်ပြိုင်ကြမည်ဟု သိရှိရပြီး အောက်ခြေ အချင်း ၆ ပေ၊ အမြင့်ပေ ၄၀ နှင့်အထက်ရှိသော မီးပုံးပျံကြီး ၁၁ လုံးတို့ကို လွှတ်တင်သွားမည်ဖြစ်ပါသည်။