တောင်ငူမြို့နယ်၌ သမဝါယမဏ္ဍမှ ဆောင်းဆီထွက်သီးနှံ(မြေပဲ) ပန်းတိုင်အထွက်နှုန်းကျော်လွန်ထွက်ရှိရေး မြေပဲမျိုးနှင့် သွင်းအားစုပေးအပ်ပွဲအခမ်းအနား ကျင်းပ

တောင်ငူမြို့နယ်၌ သမဝါယမဏ္ဍမှ ဆောင်းဆီထွက်သီးနှံ(မြေပဲ) ပန်းတိုင်အထွက်နှုန်းကျော်လွန်ထွက်ရှိရေး မြေပဲမျိုးနှင့် သွင်းအားစုပေးအပ်ပွဲအခမ်းအနား ကျင်းပ

တောင်ငူ နိုဝင်ဘာ ၅

၂၀၂၅-၂၀၂၆ဘဏ္ဍာနှစ် သမဝါယမကဏ္ဍမှ ဆောင်းဆီထွက်သီးနှံမြေပဲစိုက်ပျိုးမည့် သမဝါယမ အသင်း(၈)သင်းမှ အသင်းသားတောင်သူ(၂၄၆)ဦး၏ စိုက်ဧက(၁၀၀၀)အတွက် မြို့နယ်သမဝါယမအသင်းစု လီမိတတ်၏ အစီအစဉ်ဖြင့် တစ်ဧကလျှင် ငွေကျပ်သုံးသိန်းနှုန်းနှင့် ညီမျှသောမြေပဲနှင့်သွင်းအားစုများ ပေးအပ်ပွဲကို တောင်ငူမြို့နယ် စိုက်ပျိုးရေးဦးစီးဌာနရုံးခန်းမ၌ ကျင်းပခဲ့သည်။

တောင်ငူမြို့နယ်သမဝါယမဦးစီးဌာန တာဝန်ရှိသူများက ‌ဆောင်းဆီထွက်သီးနှံမြေပဲစိုက်ပျိုးမှု ပန်းတိုင် အထွက်နှုန်းရရှိစေရေးပြောကြားပြီး စိုက်ပျိုးရေးဦးစီးဌာနမှ တာဝန်ရှိသူများက မြေပဲစိုက်ပျိုးမည့် တောင်သူများအား စိုက်ပျိုးနည်းစနစ်မှန်ကန်မှုရှိစေရေး သွင်းအားစုအချိုးကျထည့်သွင်းရမည့် နည်းလမ်းများအား ဆွေးနွေးပြေကြားပြီး တာဝန်ရှိသူများက သမဝါယမအသင်းသား တောင်သူများအတွက် (မြေပဲ)မျိုးနှင့် သွင်းအားစု များကိုပေးအပ်ခဲ့ကြောင်း သိရသည်။