ဒုတိယဝန်ကြီး ဦးနေမျိုးလှိုင် ဧရာဝတီတိုင်းဒေသကြီးနှင့် ရန်ကုန်တိုင်း‌ဒေသကြီးတို့၌ ကျောင်းအပ်နှံရေးလှုပ်ရှားမှုနှင့် တည်ဆောက်ရေးလုပ်ငန်းများ ကြည့်ရှုစစ်ဆေး

ဒုတိယဝန်ကြီး ဦးနေမျိုးလှိုင် ဧရာဝတီတိုင်းဒေသကြီးနှင့် ရန်ကုန်တိုင်း‌ဒေသကြီးတို့၌ ကျောင်းအပ်နှံရေးလှုပ်ရှားမှုနှင့် တည်ဆောက်ရေးလုပ်ငန်းများ ကြည့်ရှုစစ်ဆေး

ရန်ကုန် မေ ၃၀

ပညာရေးဝန်ကြီးဌာန၊ ဒုတိယဝန်ကြီး ဦးနေမျိုးလှိုင်သည် ယနေ့နံနက်ပိုင်းတွင် ဧရာဝတီတိုင်း ဒေသကြီး ကန်ကြီးထောင့်မြို့နယ် ဒါးက အခြေခံပညာအထက်တန်းကျောင်း၌ ကျောင်းအပ်နှံရေး သီတင်းပတ်ဆောင်ရွက်နေမှုနှင့် ကျောင်းဆောင်သစ် တည်ဆောက်မည့်မြေနေရာကို ကြည့်ရှုစစ်ဆေးပြီး လိုအပ်သည်များကို ပေါင်းစပ်ညှိနှိုင်းပေးသည်။

ထို့နောက် ရန်ကုန်တိုင်းဒေသကြီး လှိုင်သာယာမြို့နယ်ရှိ အမှတ်(၂)အခြေခံပညာ အထက်တန်း ကျောင်း၊ အမှတ်(၃၅)အခြေခံပညာ မူလတန်းကျောင်း၊ အမှတ်(၈) အခြေခံပညာအထက်တန်းကျောင်း၊ အမှတ်(၁၄)အခြေခံပညာ အထက်တန်းကျောင်း၊ အမှတ်(၁၇)အခြေခံပညာ အထက်တန်းကျောင်းနှင့် အမှတ်(၁၀)အခြေခံပညာ အထက်တန်းကျောင်းများ၌ ကျောင်းဆောင်သစ် တည်ဆောက်ရန် ရွေးချယ် သတ်မှတ်ထားသည့် မြေနေရာများကို လှည့်လည်ကြည့်ရှုစစ်ဆေးပြီး လိုအပ်သည်များကို ပေါင်းစပ် ဖြည့်ဆည်း‌ဆောင်ရွက် ပေးခဲ့‌ကြောင်း သတင်းရရှိသည်။