ပဲခူးတိုင်းဒေသကြီး၊ ပဲခူးမြို့နယ်၌ ယာဉ်တိုက်မှုဖြစ်ပွား၍ အမျိုးသား သုံးဦး ဒဏ်ရာရရှိ

ပဲခူးတိုင်းဒေသကြီး၊ ပဲခူးမြို့နယ်၌ ယာဉ်တိုက်မှုဖြစ်ပွား၍ အမျိုးသား သုံးဦး ဒဏ်ရာရရှိ

     ၂၀၂၆ ခုနှစ်၊ ဇန်နဝါရီ ၁ ရက်က ပဲခူးတိုင်းဒေသကြီး၊ ပဲခူးမြို့နယ်၌ ယာဉ်တိုက်မှုဖြစ်ပွား၍ အမျိုးသား သုံးဦး ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ ဇန်နဝါရီ ၁ ရက် နံနက် ၁၀ နာရီ ၃၀ မိနစ်တွင် ပဲခူးမြို့နယ်၊ မုန်တိုင်းကျေးရွာ၊ ဟင်္သာရုပ်ထုအဝိုင်းအနီး၌ ယာဉ်တိုက်မှုဖြစ်ပွားကြောင်း သတင်းအရ အမှတ် (၁၁)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ လှည်းကူးမြို့နယ်၊ သနပ်ပြင်ကျေးရွာနေ အောင်မျိုးလွင်(၄၈)နှစ် မောင်းနှင်လာသည့် BGO-11၊ 4N-XXXX HYUNDAI COUNTY မီနီဘတ်စ်ယာဉ်သည် မြို့ဦးကင်းတံတားမှ ကမာနက်ကျေးရွာသို့ မောင်းနှင်လာစဉ် အခင်းဖြစ်နေရာအရောက်၌ ဘရိတ်ပေါက်ကာ အရှိန်မထိန်းနိုင်ဘဲ လမ်း၏ယာဘက်၌ ရပ်တန့်ထားသည့် BGO-8၊ 2M-XXXX SKAT ယာဉ်အား ဝင်ရောက်တိုက်မိခဲ့သဖြင့် မီနီဘတ်စ်ယာဉ်ပေါ် လိုက်ပါလာသူများဖြစ်ကြသည့် ဒဂုံမြို့သစ်(တောင်ပိုင်း)မြို့နယ်၊ အမှတ်(၂၀)ရပ်ကွက်နေ ဦးအောင်ဇော်ဖြိုး(၃၉)နှစ်၊ အမှတ်(၅၆)ရပ်ကွက်နေ ဦးတင်ဌေး(၅၅)နှစ်နှင့် ဒေးဒရဲမြို့နယ်၊ ကျုံချင်းကျေး ရွာနေ ဦးချစ်မင်းသူ(၃၀)နှစ်တို့တွင် ဒဏ်ရာများ အသီးသီးရရှိခဲ့သောကြောင့် အောင်မျိုးလွင်အား ပဲခူးမြို့မရဲစခန်း ယာဉ်(ပ)၁/၂၀၂၆၊ ရာဇသတ်ကြီးပုဒ်မ ၃၃၈/၃၃၇/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။