ပဲခူးတိုင်းဒေသကြီး၊ ဒိုက်ဦးမြို့နယ်၊ ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ် ၇၆ မိုင်အနီး၌ ယာဉ်တိုက်မှု

ပဲခူးတိုင်းဒေသကြီး၊ ဒိုက်ဦးမြို့နယ်၊ ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ် ၇၆ မိုင်အနီး၌ ယာဉ်တိုက်မှု

     ၂၀၂၆ ခုနှစ်၊ မတ် ၁၆ ရက် နံနက် ၀၀ နာရီ ၅၀ မိနစ်ခန့်က ပဲခူးတိုင်းဒေသကြီး၊ ဒိုက်ဦးမြို့နယ်၊ ရန်ကုန်-မန္တလေးအမြန်လမ်းမကြီး၌ ရန်ကုန်မြို့မှ နေပြည်တော်ဘက်သို့ ယာဉ်မောင်း ဦးကျော်ရဲနိုင်(၂၇)နှစ် မောင်းနှင်၍ ယာဉ်ပေါ်ပါခရီးသည် အမျိုးသား ၁၁ ဦး၊ အမျိုးသမီး ၉ ဦး လိုက်ပါလာသော ယာဉ်အမှတ် MDY-13/9L-XXXX HIGER အမျိုးအစား “ရွှေပြည်တော်” EXPRESS မော်တော်ယာဉ်သည် မိုင်တိုင်အမှတ် ၇၆ မိုင်အနီးအရောက်တွင် လမ်းလယ်ကျွန်းမှ လမ်း၏ အရှေ့ဘက်သို့ ရုတ်တရက် လမ်းဖြတ်ကူးသည့် အမျိုးသား တစ်ဦးအား တိုက်မိမှုဖြစ်ပွားကြောင်း သတင်းရရှိသဖြင့် အုတ်ရှစ်ကုန်းနယ်မြေမီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် တစ်စီးဖြင့် ရှာဖွေကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ရာ နံနက် ၁ နာရီ ၂၀ မိနစ်တွင် ပြီးစီးခဲ့ပါသည်။
     အဆိုပါယာဉ်တိုက်မှုကြောင့် MDY-13/9L-XXXX HIGER အမျိုးအစား မော်တော်ယာဉ်၏ ရှေ့လေကာမှန်ကွဲကြေ ပျက်စီးခဲ့ကြောင်း၊ ယာဉ်ပေါ်ပါသူများ ထိခိုက်ဒဏ်ရာရရှိမှု မရှိကြောင်းနှင့် အမြန်လမ်းမကြီးပေါ်တွင် ဖြတ်သန်းသွားလာခွင့်မရှိဘဲ ရုတ်တရက် လမ်းဖြတ်ကူးသူ ဦးစိုးနိုင်(သေဆုံး)အား အုတ်ရှစ်ကုန်းအမြန်လမ်းမကြီးရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။