ပြည်ထောင်စုနယ်မြေ၊ နေပြည်တော်၊ ပျဉ်းမနားမြို့နယ်၊ မင်္ဂလာရပ်ကွက်ရှိ ဆိုင်ကယ်ပြင်ဆိုင် မီးလောင်မှု

ပြည်ထောင်စုနယ်မြေ၊ နေပြည်တော်၊ ပျဉ်းမနားမြို့နယ်၊ မင်္ဂလာရပ်ကွက်ရှိ ဆိုင်ကယ်ပြင်ဆိုင် မီးလောင်မှု

     ၂၀၂၅ ခုနှစ်၊ ဒီဇင်ဘာ ၃၁ ရက်၊ နံနက် ၁ နာရီ ၃၀ မိနစ်ခန့်က နေပြည်တော်၊ ပျဉ်းမနားမြို့နယ်၊ မင်္ဂလာရပ်ကွက်၊ (၃)လမ်း၊ ဗိုလ်တောက်ထိန်လမ်းနှင့် ဗိုလ်လက်ယာလမ်းကြားရှိ ၁၅ x ၄၀ ပေ၊ သွပ်မိုး၊ ပျဉ်ထောင် နှစ်ထပ်နေအိမ် အောက်ထပ်ရှိ ဦးချစ်ကိုကို(၃၆)နှစ်၏ ဆိုင်ကယ်ပြင်ဆိုင်တွင် ကွန်ပရက်ဆာမော်တာ အသုံးပြုသည့် ပလတ်ခုံအပူလွန်ကဲရာမှ အနီးရှိ ဆိုင်ကယ်အဟောင်းများသို့ မီးကူးစက်လောင်ကျွမ်းမှု ဖြစ်ပွားကြောင်း သတင်းရရှိသဖြင့် ပျဉ်မနားမြို့နယ်မီးသတ်စခန်း၊ ရွာကောက်နယ်မြေမီးသတ်စခန်း၊ ဘောဂဝတီနယ်မြေမီးသတ်စခန်းတို့မှ မီးသတ်တပ်ဖွဲ့ဝင်များသည် မီးသတ်ယာဉ် ရှစ်စီးဖြင့် မီးငြှိမ်းသတ် ခဲ့ရာ နံနက် ၁ နာရီ ၅၇ မိနစ်တွင် မီးငြိမ်းခဲ့ပါသည်။ 

     အဆိုပါမီးလောင်မှုကြောင့် ၁၅ x ၄၀ ပေ၊ သွပ်မိုး၊ ပျဉ်ထောင် နှစ်ထပ်နေအိမ် တစ်လုံး၊ ၃၀ x ၄၀ ပေ၊ သွပ်မိုး၊ ပျဉ်ထောင် နှစ်ထပ်နေအိမ် တစ်လုံးနှင့် ဆိုင်ကယ်အဟောင်း လေးစီး မီးလောင်ဆုံးရှုံးခဲ့ကြောင်းနှင့် ဦးချစ်ကိုကို အား ပျဉ်မနားမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။