ပြည်ထောင်စုဝန်ကြီး ဦးသန်းမောင် ရှမ်းပြည်နယ် တိုင်းရင်းသားရေးရာနှင့် သက်မွေးပညာသင်တန်းစင်တာ လုပ်ငန်းဆောင်ရွက်မှု ကြည့်ရှုစစ်ဆေး

ပြည်ထောင်စုဝန်ကြီး ဦးသန်းမောင် ရှမ်းပြည်နယ် တိုင်းရင်းသားရေးရာနှင့် သက်မွေးပညာသင်တန်းစင်တာ လုပ်ငန်းဆောင်ရွက်မှု ကြည့်ရှုစစ်ဆေး

တောင်ကြီး မေ ၈

တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး ဦးသန်းမောင်သည် ယနေ့မွန်းလွဲပိုင်းက ရှမ်းပြည်နယ်အေးသာယာမြို့ရှိ ရှမ်းပြည်နယ် တိုင်းရင်းသားရေးရာနှင့်သက်မွေးပညာ သင်တန်းစင်တာ လုပ်ငန်းဆောင်ရွက်နေမှုများကို ကြည့်ရှုစစ်ဆေးသည်။

ဦးစွာ ဒေသခံတိုင်းရင်းသားများအား ကွန်ပျူတာသင်တန်း စာတွေ့လက်တွေ့သင်ကြားပို့ချနေမှု၊ မန္တလေးငလျင်ဒဏ်ကြောင့် ထိခိုက်ပျက်စီးခဲ့သည့် ပင်မလေးထပ်အဆောက်အအုံ ပြုပြင်ဆောင်ရွက်ခဲ့မှု၊ အိပ်ဆောင်များ၊ သင်တန်းခန်းမဆောင်၊ ထမင်းစားခန်းမနှင့် အလုပ်ရုံအဆောင်များကို ကြည့်ရှုစစ်ဆေးပြီး ဝန်ထမ်းများ၊ သင်တန်းသားသင်တန်းသူများနှင့်တွေ့ဆုံ၍ ဒေသနှင့်သင့်လျော်သည့် သင်တန်းများဖွင့်လှစ်ကာ ဒေသခံလူငယ်များ အလုပ်အကိုင်အခွင့်အလမ်းများ ဖန်တီးပေးရေးပြောကြားသည်။

ညနေပိုင်းတွင် တောင်ကြီးမြို့ တိုင်းရင်းသားလူမျိုးများရေးရာဝန်ကြီးဌာန ရှမ်းပြည်နယ်ညွှန်ကြားရေးမှူးရုံး လုပ်ငန်းဆောင်ရွက်နေမှုကို ကြည့်ရှုစစ်ဆေးပြီး ဝန်ထမ်းများနှင့်တွေ့ဆုံ၍ ဂုဏ်ပြုချီးမြှင့်ငွေများ ပေးအပ်ခဲ့ကြောင်း သိရသည်။

သတင်းစဉ်