မကွေးတိုင်းဒေသကြီး၊ မင်းဘူးမြို့နယ်၊ အမှတ်(၄)ရပ်ကွက်၊ မင်းဘူး-ငဖဲကားလမ်းဘေး၌ မိုးရွာသွန်းမှုကြောင့် သစ်ပင်လဲကျပြီး လမ်းပိတ်ဆို့မှုဖြစ်ပွားသဖြင့် ရှင်းလင်းရေးလုပ်ငန်းများ ဆောင်ရွက်မှု

မကွေးတိုင်းဒေသကြီး၊ မင်းဘူးမြို့နယ်၊ အမှတ်(၄)ရပ်ကွက်၊ မင်းဘူး-ငဖဲကားလမ်းဘေး၌ မိုးရွာသွန်းမှုကြောင့် သစ်ပင်လဲကျပြီး လမ်းပိတ်ဆို့မှုဖြစ်ပွားသဖြင့် ရှင်းလင်းရေးလုပ်ငန်းများ ဆောင်ရွက်မှု

    ၂၀၂၆ ခုနှစ်၊ မေ ၂၇ ရက် နံနက် ၇ နာရီ ၅၀ မိနစ်ခန့်က မကွေးတိုင်းဒေသကြီး၊ မင်းဘူးမြို့နယ်၌ အမှတ်(၄)ရပ်ကွက်၊ မင်းဘူး-ငဖဲကားလမ်းဘေးတွင် မိုးရွာသွန်းမှုကြောင့် လုံးပတ် ၅ ပေ၊ အမြင့် ၃၀ ပေခန့်ရှိ ကုက္ကိုပင်သည် မြေပျော့၍ အမြစ်လန်လဲကျပြီး လမ်းပိတ်ဆို့နေကြောင်း သတင်းရရှိသဖြင့် မင်းဘူးမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် နှစ်စီးဖြင့် ရှင်းလင်းရေးလုပ်ငန်းများ ဆောင်ရွက်ခဲ့ရာ နံနက် ၁၁ နာရီ ၅၅ မိနစ်တွင် ပြီးစီးခဲ့ပြီး အဆိုပါဖြစ်စဉ်ကြောင့် လူနှင့်ပစ္စည်း ထိခိုက်ဆုံးရှုံးမှု မရှိကြောင်း သတင်းရရှိပါသည်။