မန္တလေးတိုင်းဒေသကြီး၊ ပြင်ဦးလွင်မြို့နယ်၊ ညောင်နီကျေးရွာအနီး မြို့ရှောင်လမ်း၌ မော်တော်ယာဉ် တိမ်းမှောက်မှု

မန္တလေးတိုင်းဒေသကြီး၊ ပြင်ဦးလွင်မြို့နယ်၊ ညောင်နီကျေးရွာအနီး မြို့ရှောင်လမ်း၌ မော်တော်ယာဉ် တိမ်းမှောက်မှု

     ၂၀၂၅ ခုနှစ်၊ နိုဝင်ဘာ ၂၅ ရက် မွန်းလွဲ ၁ နာရီ ၅၄ မိနစ်ခန့်က မန္တလေးတိုင်းဒေသကြီး၊ ပြင်ဦးလွင်မြို့နယ်၊ ညောင်နီကျေးရွာအနီး မြို့ရှောင်လမ်း၌ နောင်ချိုမှ ပြင်ဦးလွင်ဘက်သို့ ယာဉ်မောင်း ဦးသိန်းထွန်း(၄၂)နှစ် မောင်းနှင်လာသော SINO TRUCK အမျိုးအစား MDY-16/9M-XXXX တွဲအမှတ် 1TLR-XXXX ၂၂ ဘီး မော်တော်ယာဉ်သည် ရှေ့မှကွေ့လာသည့် ယာဉ်အား ရှောင်တိမ်းရာမှ အရှိန်မထိန်းနိုင်ဘဲ လမ်းယာဘက်သို့ တိမ်းမှောက်မှုဖြစ်ပွားကြောင်း သတင်းရရှိသဖြင့် ပြင်ဦးလွင်ခရိုင်၊ မြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် နှစ်စီးဖြင့် ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့ရာ မွန်းလွဲ ၂ နာရီ ၂၀ မိနစ်တွင် ပြီးစီးခဲ့ပါသည်။ 

     အဆိုပါဖြစ်စဉ်ကြောင့် SINO TRUCK အမျိုးအစား ၂၂ ဘီး ယာဉ်ပေါ်ပါ ယာဉ်မောင်း အပါအဝင် အမျိုးသား လေးဦးအနက် အမျိုးသား နှစ်ဦး ထိခိုက်ဒဏ်ရာ(မစိုးရိမ်ရ)တို့အား ပြင်ဦးလွင်မြို့နယ်ပြည်သူ့ဆေးရုံသို့ ပို့ဆောင်ပေးခဲ့ကြောင်းနှင့် ယာဉ်မောင်း သိန်းထွန်း အား ပြင်ဦးလွင်မြို့မရဲစခန်းမှ အမှုဖွင့်အရေးယူထားကြောင်း သတင်း ရရှိပါသည်။