မန္တလေးတိုင်းဒေသကြီး၊ ပျော်ဘွယ်မြို့နယ်၊ ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ် ၂၆၀ မိုင် ၃ ဖာလုံအနီး၌ မော်တော်ယာဉ် တစ်စီး မီးလောင်မှု

မန္တလေးတိုင်းဒေသကြီး၊ ပျော်ဘွယ်မြို့နယ်၊ ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ် ၂၆၀ မိုင် ၃ ဖာလုံအနီး၌ မော်တော်ယာဉ် တစ်စီး မီးလောင်မှု

     ၂၀၂၆ ခုနှစ်၊ ဖေဖော်ဝါရီ ၄ ရက် နံနက် ၅ နာရီ ၂၈ မိနစ်ခန့်က မန္တလေးတိုင်းဒေသကြီး၊ ပျော်ဘွယ်မြို့နယ်၊ ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ် ၂၆၀ မိုင် ၃ ဖာလုံအနီး၌ ယာဉ်မောင်း ဦးအောင်နိုင်ထွန်း(၄၃)နှစ် မောင်းနှင်လာသော ယာဉ်အမှတ် MDY-15/6I-XXXX HIGER “မြစန္ဒာ” ခရီးသည်တင်မော်တော်ယာဉ်(ခရီးသည်မပါ)သည် ရန်ကုန်မြို့မှ မန္တလေးမြို့ဘက်သို့ မောင်းနှင်လာစဉ် ယာဉ်၏နောက်ပိုင်း အင်ဂျင်ခန်းမှအပူလွန်ကဲပြီး မီးစတင်လောင်ကျွမ်းမှု ဖြစ်ပွားကြောင်း သတင်းရရှိသ ဖြင့် ပေပင်လေးအမြန်လမ်းမီးသတ်စခန်းမှ မီးသတ်တပ်ဖွဲ့ဝင် များသည် မီးသတ်ယာဉ် နှစ်စီးဖြင့် မီးငြှိမ်းသတ်ခဲ့ရာ နံနက် ၅ နာရီ ၄၃ မိနစ်တွင် မီးငြိမ်းခဲ့ပါသည်။ 

     အဆိုပါမီးလောင်မှုကြောင့် “မြစန္ဒာ” ခရီးသည်တင်မော်တော်ယာဉ်၏ နောက်ပိုင်း အင်ဂျင်ခန်း မီးလောင်ဆုံးရှုံးခဲ့ကြောင်းနှင့် အောင်နိုင်ထွန်း အား ပေပင်လေးအမြန်လမ်းရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။