မန္တလေးတိုင်းဒေသကြီး၊ ပုသိမ်ကြီးမြို့နယ်၊ အောင်သပြေကျေးရွာ၌ မော်တော်ယာဉ် တစ်စီး မီးလောင်မှု

မန္တလေးတိုင်းဒေသကြီး၊ ပုသိမ်ကြီးမြို့နယ်၊ အောင်သပြေကျေးရွာ၌ မော်တော်ယာဉ် တစ်စီး မီးလောင်မှု

     ၂၀၂၆ ခုနှစ်၊ မတ် ၉ ရက် မွန်းလွဲ ၂ နာရီ ၈ မိနစ်ခန့်က မန္တလေးတိုင်းဒေသကြီး၊ ပုသိမ်ကြီးမြို့နယ်၊ အောင်သပြေကျေးရွာ၊ အယ်ဖာဘိလပ်မြေစက်ရုံဝင်းအတွင်း၌ ယာဉ်မောင်း ကိုမိုးသက်နောင်(၂၉)နှစ် မောင်းနှင်လာသော ယာဉ်အမှတ် 3B-XXXX NISSAN DIESEL မော်တော်ယာဉ်၏ TANK TRAILER (FUEL) ဆီနောက်တွဲယာဉ်မှ ဒီဇယ်ဆီအား မြေအောက်ဆီသိုလှောင်ကန်သို့ လက်ဆွဲရေစုပ်စက်ဖြင့် ဆီထည့်ရာမှ ရေချူဘားပွင့်ထွက်၍ အိပ်ဇောပေါ်သို့ ဆီများကျပြီး မီးစတင်လောင်ကျွမ်းရာမှတစ်ဆင့် ဆီနောက်တွဲယာဉ်သို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် ပုသိမ်ကြီးမြို့နယ်မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် ငါးစီးဖြင့် မီးငြှိမ်းသတ်ခဲ့ရာ မွန်းလွဲ ၃ နာရီ ၃၇ မိနစ်တွင် မီးငြိမ်းခဲ့ပါသည်။ 

     အဆိုပါမီးလောင်မှုကြောင့် ဒီဇယ် ၅၇၀၀ ဂါလန်၊ TANK TRAILER (FUEL) ဆီနောက်တွဲယာဉ် တစ်စီး မီးလောင်ဆုံးရှုံးခဲ့ကြောင်းနှင့် မိုးသက်နောင် အား ပုသိမ်ကြီးမြို့မရဲစခန်းမှ အမှုဖွင့် အရေးယူထားကြောင်း သတင်းရရှိပါသည်။