မြန်မာ့လက်ရွေးစင် လူငယ်အသင်းသုံးသင်း ပြည်တွင်းအမှတ်ပေးလိဂ်တွင် ဝင်ရောက်ယှဉ်ပြိုင်မည်

မြန်မာ့လက်ရွေးစင် လူငယ်အသင်းသုံးသင်း ပြည်တွင်းအမှတ်ပေးလိဂ်တွင် ဝင်ရောက်ယှဉ်ပြိုင်မည်

နေပြည်တော် မေ ၂၀

မြန်မာနိုင်ငံ ဘောလုံးအဖွဲ့ချုပ်သည် လူငယ်လက်ရွေးစင် ကစားသမားများ ပွဲထွက်ခွင့် ပိုမိုရရှိစေရန်နှင့် ရေရှည်ဖွံ့ဖြိုးတိုးတက်လာစေရန်အတွက် မြန်မာ့လက်ရွေးစင် လူငယ်အသင်းသုံးသင်းကို ကလပ်အသင်းအမည်များပြောင်းလဲပြီး ပြည်တွင်းအမှတ်ပေးလိဂ်ပြိုင်ပွဲများတွင် ဝင်ရောက်ယှဉ်ပြိုင်မည်ဖြစ်သည်။

အဆိုပါလူငယ်အသင်းများ ဝင်ရောက်ယှဉ်ပြိုင်မည့် ပြိုင်ပွဲနှင့်အသင်းအမည်များမှာ မြန်မာယူ-၁၆ အသင်းသည် Galaxy FC အမည်ဖြင့် MNL U-20 League ပြိုင်ပွဲတွင်လည်းကောင်း၊ မြန်မာ ယူ-၁၇ အသင်းသည် Falcon FC အမည်ဖြင့် MNL U-20 League ပြိုင်ပွဲတွင်လည်းကောင်း၊ မြန်မာယူ-၁၉ အသင်းသည်Junior Lions FC အမည်ဖြင့် MNL League II ပြိုင်ပွဲတွင်လည်းကောင်း အသီးသီး ဝင်ရောက်ယှဉ်ပြိုင်သွားမည်ဖြစ်သည်။

 လူငယ်လက်ရွေးစင်အသင်းများကို ပြည်တွင်းအမှတ်ပေးလိဂ်တွင် အဆင့်မြှင့်တင် ဝင်ရောက်ကစားစေခြင်းဖြင့် အတွေ့အကြုံသစ်များရရှိစေပြီး နိုင်ငံတကာပြိုင်ပွဲများအတွက် အကောင်းဆုံး ပြင်ဆင်မှုတစ်ရပ်လည်းဖြစ်ကြောင်း သိရသည်။

ဟိန်းထက်ဇော်(မြန်မာ့အလင်း)