ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ပျဉ်းမပင်ကျေးရွာ၊ ရန်ကုန်-ပြည်လမ်းမကြီး၌ ယာဉ်တိုက်မှု

ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ပျဉ်းမပင်ကျေးရွာ၊ ရန်ကုန်-ပြည်လမ်းမကြီး၌ ယာဉ်တိုက်မှု

     ၂၀၂၆ ခုနှစ်၊ ဇန်နဝါရီ ၁ ရက် နံနက် ၅ နာရီ ၄၀ မိနစ်ခန့်က ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ပျဉ်းမပင်ကျေးရွာ၊ ရန်ကုန်-ပြည်လမ်းမကြီး၊ စံပယ်ဦးထမင်း ဆိုင်ရှေ့တွင် ‌ထောက်ကြန့်မှ အင်းစိန်သို့ ယာဉ်မောင်း ဦးသုတလင်း(၄၇)နှစ် မောင်းနှင်လာသော ယာဉ်အမှတ် AYY-15၊ GG-XXXX TOYOTA PASSO အမျိုးအစား အပြာရောင် TAXI ယာဉ်သည် YGN-5၊ 6N-XXXX HYUNDAI  အမျိုးအစား အဖြူရောင် YBS-41 ယာဉ်အား ဝင်ရောက်တိုက်မိ၍ အရှိန်ဖြင့် ကားနောက်ဖင်မှာ ဘေးသို့ရမ်းသွားပြီး နောက်မှမောင်းနှင်လာသော YGN-40၊ 9K-XXXX CHEVROLET MALIBU အမျိုးအစား အဖြူရောင်ယာဉ်၏ ဘေးခြမ်းအား ထပ်ဆင့်တိုက်မိမှုဖြစ်ပွားကြောင်း သ တင်းရရှိသဖြင့် မင်္ဂလာဒုံမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် တစ်စီးဖြင့် သွားရောက်၍ ယာဉ်အမှတ် AYY-15၊ GG-XXXX TOYOTA PAS SO  အမျိုးအစား အပြာရောင် TAXI ယာဉ်၏ ခေါင်းခန်းအတွင်း သေဆုံးနေသော ယာဉ်မောင်း  ဦးသုတလင်း အား နံနက် ၇ နာရီတွင် ကူညီထုတ်ပေးခဲ့ပြီး အင်းစိန်မြို့ နယ်ပြည်သူ့ဆေးရုံသို့ ပို့ဆောင် ပေးခဲ့သည်။ 

     အဆိုပါဖြစ်စဉ်‌ကြောင့် ယာဉ်အမှတ် AYY-15၊ GG-XXXX TOYOTA PASSO အမျိုးအစား အပြာရောင် TAXI ယာဉ်၏ ယာဉ်မောင်း ဦးသုတလင်း သေဆုံးခဲ့ပြီး အဆိုပါ TAXI ယာဉ်၏ ရှေ့လေကာမှန်ကွဲ၊ ရှေ့ဝဲယာမီးကြီးကွဲ၊ ဘောနပ်ဖုံးပိန်ချိုင့်၊ ရှေ့ဘန်ဘာပြုတ်ထွက်၊ ဝဲဘက်နောက်မီးကြီးကွဲ၊ ဝဲဘက်နောက် ဘန်ဘာဘော်ဒီပိန်ချိုင့်၊ ဝဲဘက်နောက်ဖုံးပိန်ချိုင့်၊ YGN-5၊ 6N-XXXX HYUNDAI အမျိုးအစား အဖြူရောင် YBS-41 ယာဉ်၏ ဝဲဘက်နောက်ဘန်ဘာဘော်ဒီပိန်ချိုင့်၊ ဝဲဘက်နောက်မီးကြီးကွဲ၊ YGN-40၊ 9K-XXXX CHEVROLET MALIBU အမျိုးအစား အဖြူရောင်ယာဉ်၏ ရှေ့ယာဘက်မီးကြီးကွဲ၊ ရှေ့ယာဘက်ဘော်ဒီပိန်ချိုင့်၊ ရှေ့ဝဲဘက်ဘီးတာယာကွဲ ပျက်စီးဆုံးရှုံးခဲ့ကြောင်းနှင့် ယာဉ်မောင်း ဦးသုတလင်း အား ထောက်ကြန့် နယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။