ရန်ကုန်တိုင်းဒေသကြီး၊ ရွှေပြည်သာမြို့နယ်၊ အမှတ်(၁၇)ရပ်ကွက်၌ အထည်ချုပ်စက်ရုံ မီးလောင်မှု

ရန်ကုန်တိုင်းဒေသကြီး၊ ရွှေပြည်သာမြို့နယ်၊ အမှတ်(၁၇)ရပ်ကွက်၌ အထည်ချုပ်စက်ရုံ မီးလောင်မှု

     ၂၀၂၆ ခုနှစ်၊ ဖေဖော်ဝါရီ ၁၈ ရက် နံနက် ၁၁ နာရီ ၄၀ မိနစ်ခန့်က ရန်ကုန်တိုင်းဒေသကြီး၊ ရွှေပြည်သာမြို့နယ်၊ အမှတ်(၁၇)ရပ်ကွက်၌ ပိုင်ရှင် Mr.Zhang Junjian (တရုတ်နိုင်ငံသား) (၅၅)နှစ်နှင့် ဦးအောင်နိုင်စိုး(၄၄)နှစ်တို့ ပူးတွဲပိုင်ဆိုင်သော ၃၅၀ x ၁၄၀ ပေ၊ Steel Structure နှစ်ထပ် “STRAIGHTEX” အထည်ချုပ်စက်ရုံ(ဥရောပနိုင်ငံများသို့ အဝတ်အထည်များ တင်ပို့သည့်စက်ရုံ)၌ အဝတ်အထည်များအား မီးပူတိုက်ပြီး မီးပူခလုတ်မပိတ်ပဲ ထားခဲ့ရာမှ အပူလွန်ကဲပြီး အဝတ်အထည်များသို့ မီးကူးစက်လောင်ကျွမ်းမှု ဖြစ်ပွားကြောင်း သတင်းရရှိသဖြင့် ရန်ကုန်တိုင်းဒေသကြီးအတွင်းရှိ မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် ၈၇ စီးဖြင့် မီးငြှိမ်းသတ်ခဲ့ရာ ဖေဖော်ဝါရီ ၁၉ ရက် နံနက် ၁ နာရီ ၃၀ မိနစ်တွင် မီးငြိမ်းခဲ့ပါသည်။

     အဆိုပါမီးလောင်မှုကြောင့် ၃၅၀ x ၁၄၀ ပေ၊ Steel Structure နှစ်ထပ် အထည်ချုပ်စက်ရုံ အဆောက်အအုံရှိ ၁၅၀ x ၆၀ ပေ၊ Roof Stab ပြိုကျပျက်စီးခြင်း၊ ပိတ်လိတ် ၃၀၀ လိတ်၊ ပိတ်ဖြတ်စနှင့် အဝတ်အထည်များ၊ အပ်ချုပ်စက် ၃၀ လုံး မီးလောင်ဆုံးရှုံးခဲ့ကြောင်းနှင့် စက်ရုံမန်နေဂျာ ဒေါ်မီမီဇော် အား ရွှေပြည်သာမြို့နယ်၊ လှော်ကားနယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။