ရန်ကုန်တိုင်းဒေသကြီး၊ ဒဂုံမြို့သစ်(မြောက်ပိုင်း)မြို့နယ်၊ အမှတ်(၁၆)ရပ်ကွက်၌ ကျောင်းဆောင် မီးလောင်မှု

ရန်ကုန်တိုင်းဒေသကြီး၊ ဒဂုံမြို့သစ်(မြောက်ပိုင်း)မြို့နယ်၊ အမှတ်(၁၆)ရပ်ကွက်၌ ကျောင်းဆောင် မီးလောင်မှု

     ၂၀၂၆ ခုနှစ်၊ ဖေဖော်ဝါရီ ၂၂ ရက် နံနက် ၁ နာရီ ၁၆ မိနစ်ခန့်က ရန်ကုန်တိုင်းဒေသကြီး၊ ဒဂုံမြို့သစ်(မြောက်ပိုင်း)မြို့နယ်၊ အမှတ်(၁၆)ရပ်ကွက်၌ မိုးညှင်းသိင်္ဂီသီလရှင်ကျောင်းဝင်းအတွင်းရှိ ၆၀ x ၂၀ ပေ၊ RC နှစ်ထပ် သီလရှင်ကျောင်းဆောင်အပေါ်ထပ်ရှိ ၁၃ x ၁၁ ပေ အခန်းတွင် သီလရှင်၏ တူမဖြစ်သူ ဒေါ်ခင်စန်းလွင်(၄၈)နှစ်သည် အားသွင်းပန်ကာအား အားသွင်းထားရာမှ အပူလွန်ကဲပြီး မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် ဒဂုံမြို့သစ်(မြောက်ပိုင်း)မြို့နယ်မီးသတ်စခန်းနှင့် ဒဂုံမြို့သစ်(တောင်ပိုင်း)မြို့နယ်မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် ၁၅ စီးဖြင့် မီးငြှိမ်းသတ်ခဲ့ရာ နံနက် ၁ နာရီ ၃၁ မိနစ်တွင် မီးငြိမ်းခဲ့ပါသည်။

     အဆိုပါမီးလောင်မှုကြောင့် ၆၀ x ၂၀ ပေ၊ RC နှစ်ထပ် သီလရှင်ကျောင်းဆောင်အပေါ်ထပ်ရှိ  ၁၃ x ၁၁ ပေ အိပ်ခန်း သုံးခန်း၊ အားသွင်းပန်ကာ တစ်လုံးနှင့် သစ်သားဗီရို တစ်လုံး မီးလောင်ဆုံးရှုံးခဲ့ကြောင်းနှင့် ဒေါ်ခင်စန်းလွင် အား ဒဂုံမြို့သစ်(မြောက်ပိုင်း)မြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။