ရန်ကုန်တိုင်းဒေသကြီး၊ လမ်းမတော်မြို့နယ်၊ ညောင်ပင်လေးဈေး၌ မီးဘေးကြိုတင်ကာကွယ်ရေး လုပ်ငန်းများ စစ်ဆေးဆောင်ရွက်မှု

ရန်ကုန်တိုင်းဒေသကြီး၊ လမ်းမတော်မြို့နယ်၊ ညောင်ပင်လေးဈေး၌ မီးဘေးကြိုတင်ကာကွယ်ရေး လုပ်ငန်းများ စစ်ဆေးဆောင်ရွက်မှု

     ၂၀၂၆ ခုနှစ်၊ မတ် ၄ ရက် မွန်းလွဲ ၁ နာရီခန့်က ရန်ကုန်တိုင်းဒေသကြီး၊ လမ်းမတော်မြို့နယ်၊ ညောင်ပင်လေးဈေး၌ မီးဘေးလုံခြုံရေး၊ မီးဘေးကြိုတင်ကာကွယ်ရေးနှင့် မီးငြှိမ်းသတ်နိုင်ရေးအတွက် ရန်ကုန်တိုင်းဒေသကြီးမီးသတ်ဦးစီးမှူး ဦးဆောင်သော မီးသတ်တပ်ဖွဲ့ဝင်များသည် သက်ဆိုင်ရာ အဖွဲ့အစည်းများနှင့်ပူးပေါင်း၍ ဈေးဆိုင်ခန်းများတွင် သွယ်တန်းထားသော လျှပ်စစ်မီးကြိုးများနှင့် မီးခလုတ်များ ကောင်း/မကောင်း၊ လျှပ်စစ်မီး သုံးစွဲရာတွင် မီးဘေးလုံခြုံမှု ရှိ/မရှိ၊ ဈေးအတွင်း နှင့်အပြင်ရှိ လုံခြုံရေးမီး တပ်ဆင်ထားရှိမှု ရှိ/မရှိ အခြေအနေများအား ကြည့်ရှုစစ်ဆေးခဲ့ကြောင်း သတင်းရရှိပါသည်။