ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ ကန်တော်ကလေး(တောင်ပိုင်း)ရပ်ကွက်၊ (၉၁)လမ်းတွင် သစ်ပင်လဲကျသဖြင့် ရှင်းလင်းရေးလုပ်ငန်းများဆောင်ရွက်မှု

ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ ကန်တော်ကလေး(တောင်ပိုင်း)ရပ်ကွက်၊ (၉၁)လမ်းတွင် သစ်ပင်လဲကျသဖြင့် ရှင်းလင်းရေးလုပ်ငန်းများဆောင်ရွက်မှု

     ၂၀၂၆ ခုနှစ်၊ မေ ၁၅ ရက် နံနက် ၆ နာရီ ၄၆ မိနစ်ခန့်က ရန်ကုန်တိုင်းဒေသကြီး၊ မင်္ဂလာတောင်ညွန့် မြို့နယ်၊ ကန်တော်ကလေး(တောင်ပိုင်း)ရပ်ကွက်၊ (၉၁)လမ်းတွင် လုံးပတ် ၄ ပေခွဲ၊ အမြင့် ၂၀ ပေခန့်ရှိ သရက်ပင်သည် မိုးသည်းထန်စွာ ရွာသွန်းမှုကြောင့် မြေပွ၍ အမြစ်မခိုင်ဘဲ လဲကျနေကြောင်း သတင်း ရရှိသဖြင့် မင်္ဂလာတောင်ညွန့်မြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် သက်ဆိုင်ရာ အဖွဲ့အစည်းများနှင့် ပူးပေါင်း၍ ရှင်းလင်းရေးလုပ်ငန်းများ ဆောင်ရွက်ခဲ့ရာ နံနက် ၈ နာရီ  ၃ မိနစ်တွင် ပြီးစီးခဲ့ပြီး အဆိုပါဖြစ်စဉ်ကြောင့် လူထိခိုက်ဒဏ်ရာရရှိမှု မရှိကြောင်း သတင်းရရှိပါသည်။