ရေကြည် မြို့နယ် အုန်းပင်စု ကျေးရွာ၌ ကွန်ကရစ် ‌ ဘောင်ခတ် မြေရောကျောက်လမ်းခင်းခြင်းလုပ်ငန်း ဆောင်ရွက်ပြီးစီးမှု စစ်ဆေး

ရေကြည် မြို့နယ် အုန်းပင်စု ကျေးရွာ၌ ကွန်ကရစ် ‌ ဘောင်ခတ် မြေရောကျောက်လမ်းခင်းခြင်းလုပ်ငန်း ဆောင်ရွက်ပြီးစီးမှု စစ်ဆေး

ရေကြည် မြို့နယ် အုန်းပင်စု ကျေးရွာ၌ ကွန်ကရစ် ‌ ဘောင်ခတ် မြေရောကျောက်လမ်းခင်းခြင်းလုပ်ငန်း ဆောင်ရွက်ပြီးစီးမှု စစ်ဆေး

ရေကြည် မတ် ၁၉

            ဧရာဝတီတိုင်းဒေသကြီး ကျုံပျော် ခရိုင် ရေကြည် မြို့နယ်ကျေးလက်ဒေသဖွံ့ဖြိုးတိုးတက်ရေး ဦးစီးဌာန က ကျေးရွာဖွံ့ဖြိုးတိုးတက်ရေး လုပ်ငန်းစီမံကိန်း (VDP)ဖြင့် ကွင်းလျား ကျေးရွာအုပ်စု၊ အုန်းပင်စု ကျေးရွာတွင် ကွန်ကရစ် ဘောင်ခတ် မြေရောကျောက်လမ်းခင်းခြင်း လုပ်ငန်းဆောင်ရွက် ပြီးစီးမှု ကို မတ်လ ၁၈ ရက်နေ့ နံနက်ပိုင်းက တာဝန်ရှိသူများ ကွင်းဆင်းစစ်ဆေး ခဲ့ကြောင်း သိရသည်။

            ထိုသို့ ကွင်းဆင်းရာတွင် ရေကြည် မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ် သန်းသန်းဆွေ  နှင့် မြို့နယ် တာဝန်ခံ အင်ဂျင်နီယာတို့က ကျေးရွာဖွံ့ဖြိုးရေး ကော်မတီဝင်များနှင့်အတူ အုန်းပင်စု  ကျေးရွာ ၌ ကွန်ကရစ် ဘောင်ခတ် မြေရောကျောက်လမ်းခင်းခြင်း လုပ်ငန်းဆောင်ရွက် ပြီးစီးမှု ကို ကြည့်ရှုစစ်ဆေးပြီး ရေကြည် မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ် သန်းသန်းဆွေ က ဆောင်ရွက်ပြီးဖွံ့ဖြိုးရေးလုပ်ငန်းများကို ရေရှည်တည်တံ့ခိုင်မြဲအောင် ဝိုင်းဝန်းထိန်းသိမ်းဆောင်ရွက်သွားရန် မှာကြားပြီး  ကျေးရွာ၏တင်ပြချက်များအပေါ် လိုအပ်သည်များ ပေါင်းစပ်ညှိနှိုင်းဆောင်ရွက် ခဲ့ကြောင်း သိရသည်။
            အဆိုပါအုန်းပင်စု ကျေးရွာတွင်းလမ်း အရှည်ပေ ၂၁၀၀ ၊ အကျယ် ၁၃ ပေ၊ ထု ၄ဒသမ ၅ လက်မ ရှိ ကွန်ကရစ်‌ ဘောင်ခတ် မြေ‌‌ ရောကျောက်လမ်းခင်းခြင်းလုပ်ငန်းကို VDP စီမံကိန်း ပံ့ပိုးငွေကျပ် သိန်း ၁၅၀ နှင့် ပြည်သူထည့်ဝင်ငွေ ကျပ် သိန်း ၂၉၀ ၊ စုစုပေါင်းငွေကျပ်  ၄၄၀ သိန်း ဖြင့် ကျေးလက်ဒေသဖွံ့ဖြိုးတိုးတက်ရေးဦးစီးဌာန၏ နည်းပညာ ပံ့ပိုးမှု၊ အနီးကပ်ကြီးကြပ်မှု ဖြင့် ကျေးရွာသူ၊ ကျေးရွာသားများကိုယ်တိုင် ယခုနှစ် ဖေဖော်ဝါရီ လ ၂၀ ရက်နေ့က စတင် ဆောင်ရွက်ခဲ့ရာ ယခုအခါ  လုပ်ငန်းများ အားလုံး  ရာနှုန်းပြည့်  ဆောင်ရွက်ပြီးစီးပြီဖြစ်ပါကြောင်းရေကြည် မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဒေါ် သန်းသန်းဆွေ  ထံမှ သိရသည်။

ဇင်မာ