ရှမ်းပြည်နယ်၊ ကလောမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

ရှမ်းပြည်နယ်၊ ကလောမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

     ၂၀၂၅ ခုနှစ်၊ စက်တင်ဘာ ၁၂ ရက်က ရှမ်းပြည်နယ်၊ ကလောမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးခဲ့ကြောင်း သိရသည်။

     ဖြစ်စဉ်မှာ စက်တင်ဘာ ၁၂ ရက် မွန်းလွဲ ၁ နာရီ ၃၀ မိနစ်တွင် ရှမ်းပြည်နယ်၊ ကလောမြို့နယ်၊ ဟဲဟိုးမြို့၊ ဟဲဟိုး-ကလောကားလမ်း သီခေါင်တောင်အတက်လမ်းကွေ့အနီး၌ ယာဉ်တိုက်မှု ဖြစ်ပွားကြောင်း သတင်းအရ ဟဲဟိုးနယ်မြေရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ ဟဲဟိုးမြို့၊ အမှတ်(၅)ရပ်ကွက်နေ စအောင်မျိုးခိုင် (၂၂)နှစ် မောင်းနှင်ပြီး မြင့်မြတ်အောင်(၁၇)နှစ် လိုက်ပါလာသည့် MDY-14/5N/XXXX ISUZU ခြောက်ဘီးယာဉ်ဖြင့် အမှိုက်များတင်ဆောင်၍ မောင်းနှင်လာစဉ် အခင်းဖြစ်နေရာအရောက်၌ အရှိန်မထိန်းနိုင်ဘဲ ကားလမ်းယာဘက်ဘေးတွင် ရပ်ထားသည့် ထော်လာဂျီယာဉ်အား ဝင်ရောက်တိုက်မိပြီး လမ်းဘေးကျောက်ဆောင်အား ထပ်မံတိုက်မိခဲ့ကာ စအောင်မျိုးခိုင်တွင် ဒဏ်ရာများရရှိခဲ့သဖြင့် ဟဲဟိုးမြို့ပြည်သူ့ဆေးရုံသို့ ပို့ဆောင်ဆေးကုသမှု ခံယူနေစဉ် သေဆုံးသွားခဲ့သောကြောင့် စအောင်မျိုးခိုင်အား ဟဲဟိုးနယ်မြေရဲစခန်း ယာဉ်(ပ)၁၆/၂၀၂၅၊ ရာဇသတ်ကြီး ပုဒ်မ ၃၀၄-က/၂၇၉ ဖြင့် အမှုဖွင့်အရေးယူထားကြောင်း သတင်းရရှိသည်။