ရှမ်းပြည်နယ်၊ တောင်ကြီးမြို့နယ်၊ ရတနာသီရိရပ်ကွက်၌ ဖုန်းအပိုပစ္စည်းအရောင်းဆိုင် မီးလောင်မှု

ရှမ်းပြည်နယ်၊ တောင်ကြီးမြို့နယ်၊ ရတနာသီရိရပ်ကွက်၌ ဖုန်းအပိုပစ္စည်းအရောင်းဆိုင် မီးလောင်မှု

    ၂၀၂၆ ခုနှစ်၊ ဇန်နဝါရီ ၁၃ ရက် နံနက် ၁၁ နာရီ ၃၂ မိနစ်ခန့်က ရှမ်းပြည်နယ်၊ တောင်ကြီးမြို့နယ်၊ ရတနာသီရိရပ်ကွက်၌ ပိုင်ရှင် ဦးစိုင်းခမ်းပိုင်၏ ၅၀ x ၄၀ ပေ၊ သွပ်မိုး၊ RC အမျိုးအစား Basement သုံးထပ်ခွဲ အဆောက်အအုံ၌ ငှားရမ်းဖွင့်လှစ်ထားသည့် “ကာဗာစတား” ဖုန်းအပိုပစ္စည်း အရောင်းဆိုင်၏ မြေအောက်ထပ်စတိုခန်းအတွင်း တပ်ဆင်ထားသော LED မီးလုံးမှ အပူလွန်ကဲပြီး မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် တောင်ကြီးခရိုင်၊ မြို့နယ်မီးသတ်စခန်းတို့မှ မီးသတ်တပ်ဖွဲ့ဝင်များသည် မီးသတ်ယာဉ် ၁၀ စီးဖြင့် မီးငြှိမ်းသတ်ခဲ့ရာ မွန်းတည့် ၁၂ နာရီတွင် မီးငြိမ်းခဲ့ပါသည်။ 

    အဆိုပါမီးလောင်မှုကြောင့် ဖုန်းအပိုပစ္စည်းအရောင်းဆိုင်၏ စတိုခန်းအတွင်းရှိ ဂျပ်စက္ကူများနှင့် ဖော့ပုံးများ မီးလောင်ဆုံးရှုံးခဲ့ကြောင်းနှင့် ဆိုင်မန်နေဂျာဖြစ်သူ မမေဇွန်လှိုင်(၂၄)နှစ် အား တောင်ကြီးမြို့နယ်၊ အမှတ်(၂)နယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။