ရှမ်းပြည်နယ်၊ လင်းခေးမြို့နယ်၌ သဘာဝဘေးကြောင့် ပျက်စီးခဲ့သည့် သီးနှံများအတွက် သွင်းအားစုနှင့် စိုက်ပျိုးစရိတ် ထောက်ပံ့ပေးအပ်ပွဲ အခမ်းအနား ကျင်းပ

ရှမ်းပြည်နယ်၊ လင်းခေးမြို့နယ်၌ သဘာဝဘေးကြောင့် ပျက်စီးခဲ့သည့် သီးနှံများအတွက် သွင်းအားစုနှင့် စိုက်ပျိုးစရိတ် ထောက်ပံ့ပေးအပ်ပွဲ အခမ်းအနား ကျင်းပ

     ၂၀၂၆ ခုနှစ်၊ ဖေဖော်ဝါရီ ၄ ရက် နံနက် ၉ နာရီတွင် ရှမ်းပြည်နယ်၊ လင်းခေးမြို့နယ်၊ စိုက်ပျိုးရေးဦးစီးမှူးရုံး၌ ပင်ထနောင်းကျေးရွာရှိ တောင်သူ ၃၂ ဦး ပိုင်ဆိုင်သော စိုက်ခင်း ၅၇ ဧကမှာ ၂၀၂၅ ခုနှစ်၊ ဇွန်လအတွင်း မိုးသည်းထန်စွာ ရွာသွန်းမှုကြောင့် ရေကြီးနစ်မြုပ်ပျက်စီးခဲ့သဖြင့် ၂၀၂၅-၂၀၂၆ ဘဏ္ဍာရေးနှစ်၊ အမျိုးသားသဘာဝဘေး အန္တရာယ်ဆိုင်ရာစီမံခန့်ခွဲမှုရန်ပုံငွေဖြင့် သွင်းအားစုနှင့် စိုက်ပျိုးစရိတ်ထောက်ပံ့ပေးအပ်ပွဲ အခမ်းအနား ကျင်းပပြုလုပ်ခဲ့ရာ ခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ၊ ခရိုင်အုပ်ချုပ်ရေးမှူး ဦးအောင်ကိုဦး၊ ခရိုင်၊ မြို့နယ်စိုက်ပျိုးထုတ်လုပ်မှု တိုးတက်မြင့်မားရေးလုပ်ငန်းကော်မတီအဖွဲ့ဝင်များ၊ ဒေသခံတောင်သူများ တက်ရောက်ခဲ့ကြပြီး နှမ်းစိုက်ခင်း ၅၇ ဧကအတွက် စိုက်ပျိုးစရိတ်နှင့် ဓာတ်မြေဩဇာသွင်းအားစု စုစုပေါင်း ၉,၃၇၂,၀၀၀ ကျပ်အား ထောက်ပံ့ပေးအပ်ခဲ့ကြောင်း သတင်းရရှိပါ သည်။