ရှမ်းပြည်နယ်၊ လားရှိုးမြို့နယ်နှင့် မန္တလေးတိုင်းဒေသကြီး၊ အမရပူရမြို့နယ်တို့၌ ဓားရှည် ကိုင်ဆောင်ရမ်းကားနေသူ အမျိုးသား နှစ်ဦးအား ဖမ်းဆီးအရေးယူ

ရှမ်းပြည်နယ်၊ လားရှိုးမြို့နယ်နှင့် မန္တလေးတိုင်းဒေသကြီး၊ အမရပူရမြို့နယ်တို့၌ ဓားရှည် ကိုင်ဆောင်ရမ်းကားနေသူ အမျိုးသား နှစ်ဦးအား ဖမ်းဆီးအရေးယူ

     ၂၀၂၅ ခုနှစ်၊ အောက်တိုဘာ ၁၃ ရက်က ရှမ်းပြည်နယ်၊ လားရှိုးမြို့နယ်နှင့် မန္တလေးတိုင်းဒေသကြီး၊ အမရပူရမြို့နယ်တို့၌ ဓားရှည် ကိုင်ဆောင်ရမ်းကားနေသူ အမျိုး သား နှစ်ဦးအား ဖမ်းဆီးအရေးယူထားကြောင်း သိရသည်။

     ဖြစ်စဉ်မှာ အောက်တိုဘာ ၁၃ ရက် နံနက် ၁ နာရီ ၂၀ မိနစ်တွင် ရှမ်းပြည်နယ်၊ လားရှိုးမြို့နယ်၊ လားရှိုးမြို့မရဲစခန်းမှ တပ်ဖွဲ့ဝင်များက နယ်မြေလှည့်ကင်း ဆောင်ရွက်နေစဉ် လားရှိုးမြို့နယ်၊ အမှတ်(၅) ရပ်ကွက်၌ အဆိုပါရပ်ကွက်နေ အားဆိုင်(၄၃)နှစ်အား အရိုး/အသွား ၂၂ လက်မခန့်ရှိ ဓားရှည် တစ်ချောင်းအား ကိုင်ဆောင်ရမ်းကားနေသည်ကို တွေ့ရှိဖမ်းဆီးရမိခဲ့သဖြင့် အားဆိုင်အား လားရှိုးမြို့မရဲစခန်း၌လည်းကောင်း။ 

     အလားတူ နံနက် ၅ နာရီတွင် မန္တလေးတိုင်းဒေသကြီး၊ အမရပူရမြို့နယ်၊ မြစ်ငယ်နယ်မြေရဲစခန်းမှ တပ်ဖွဲ့ဝင်များက နယ်မြေလှည့်ကင်း ဆောင်ရွက်နေစဉ် အမရပူရမြို့နယ်၊ မင်းစုကျေးရွာထိပ် လမ်းမပေါ်အရောက်၌ အဆိုပါကျေးရွာနေ စိုးနိုင်ဝင်း(၃၇)နှစ်အား အရိုး/အသွား ၂၆ လက်မခန့်ရှိ ဓားရှည် တစ်ချောင်းအား ကိုင်ဆောင်ရမ်းကားနေသည်ကို တွေ့ရှိဖမ်းဆီးရမိခဲ့သဖြင့် စိုးနိုင်ဝင်းအား မြစ်ငယ်နယ်မြေရဲစခန်း၌လည်းကောင်း လက်နက်ဥပဒေပုဒ်မ ၂၃(က) ဖြင့် အသီးသီးအမှုဖွင့် အရေးယူထားကြောင်း သတင်းရရှိပါသည်။