ရှမ်းပြည်နယ်၊ လားရှိုးမြို့၊ ရပ်ကွက်(၂)၌ “စွယ်တော်ဖူး” ကုန်စုံဆိုင် မီးလောင်မှု

ရှမ်းပြည်နယ်၊ လားရှိုးမြို့၊ ရပ်ကွက်(၂)၌ “စွယ်တော်ဖူး” ကုန်စုံဆိုင် မီးလောင်မှု

     ၂၀၂၆ ခုနှစ်၊ မေ ၁၆ ရက် နံနက် ၁၂ နာရီ ၃၀ မိနစ်ခန့်က ရှမ်းပြည်နယ်၊ လားရှိုးမြို့၊ ရပ်ကွက်(၂)၌ ပိုင်ရှင် ဦးဆင်ကွေး(၅၇)နှစ်၏ ၃၀ x ၂၀ ပေ၊ သွပ်မိုး၊ အုတ်ကာ၊ နံကပ် တစ်ထပ် “စွယ်တော်ဖူး” ကုန်စုံဆိုင်တွင် အင်ဗာတာ အပူလွန်ကဲရာမှ မီးပွားထွက်ပြီး အနီးရှိ တစ်ရှူး၊ စက္ကူထုပ်များသို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် လားရှိုးခရိုင်၊ မြို့နယ်မီးသတ်စခန်းနှင့် ထင်းရှူးမြိုင်နယ်မြေမီးသတ်စခန်းတို့မှ မီးသတ်တပ်ဖွဲ့ဝင်များသည် မီးသတ်ယာဉ် ၁၂ စီးဖြင့် မီးငြှိမ်းသတ်ခဲ့ရာ နံနက် ၂ နာရီ ၃၀ မိနစ်တွင် မီးငြိမ်းခဲ့ပါသည်။
     အဆိုပါ မီးလောင်မှုကြောင့် ၃၀ x ၂၀ ပေ၊ သွပ်မိုး၊ အုတ်ကာ၊ နံကပ် တစ်ထပ် ကုန်စုံဆိုင် တစ်လုံး၊ ၃၀ x ၅၀ ပေ၊ သွပ်မိုး၊ အုတ်ကာ၊ နံကပ် နှစ်ထပ် အဆောက်အအုံ တစ်လုံး၊ မော်တော်ယာဉ် နှစ်စီး၊ မော်တော်ဆိုင်ကယ် သုံးစီးနှင့် ကုန်ပစ္စည်းမျိုးစုံ မီးလောင်ဆုံးရှုံးခဲ့ကြောင်းနှင့် ပိုင်ရှင် ဦးဆင်ကွေး အား လားရှိုးမြို့မရဲစခန်းမှ အမှုဖွင့် အရေးယူထားကြောင်း သတင်းရရှိပါသည်။