ဝန်ထမ်းများလုပ်ငန်းခွင် အကြိုသင်တန်းဖွင့်လှစ်ခြင်း

ဝန်ထမ်းများလုပ်ငန်းခွင် အကြိုသင်တန်းဖွင့်လှစ်ခြင်း

မန္တလေးတိုင်းဒေသကြီး၊ လူမှုဝန်ထမ်းဦးစီးမှူးရုံးမှ ကြီးမှူး၍ ဝန်ထမ်းသစ်များလုပ်ငန်းခွင် အကြိုသင်တန်းအား နံနက် ၉း၀၀နာရီမှ ညနေ ၄း၀၀နာရီ အချိန်ထိ မန္တလေးတိုင်းဒေသကြီး၊ လူမှုဝန်ထမ်းဦးစီးမှူးရုံး အစည်းအဝေးခန်းမ၌ ၁၇-၃-၂၀၂၅ ရက်မှ ၂၈-၃-၂၀၂၅ ရက်ထိ သင်တန်းသား ၁၉ ဦးဖြင့် ဖွင့်လှစ်သင်ကြားပို့ချပေးလျက်ရှိပါ သည်။ သင်တန်း၌ လူမှုဝန်ထမ်း ဦးစီးဌာနမှ အကောင်အထည်ဖော်ဆောင်ရွက်လျက်ရှိသော လုပ်ငန်းကြီး (၇)ရပ်အကြောင်းကို သိရှိနားလည်စေရန်၊ နိုင်ငံဝန်ထမ်းနည်းဥပဒေများ၊ ရုံးလုပ်ငန်းလက်စွဲစာအုပ်ပါ လိုက်နာရမည့်အချက်များနှင့် ကလေးသူငယ်ကာကွယ်စောင့်ရှောက်ရေးနှင့် လုပ်ငန်းခွင်သို့ဝင်ရောက်သည့်အခါ လုပ်ငန်းများ၏ သဘောတရားကို သိရှိနားလည်စေပြီး လွယ်ကူချောမွေ့စွာ လုပ်ကိုင်ဆောင်ရွက်တတ်စေရန် ရည်ရွယ်၍ ဖွင့်လှစ်သင်ကြားပေးခြင်းဖြစ်ပါသည်။