ဟားခါးမြို့၌ ၂၀၂၆ − ၂၀၂၇ ပညာသင်နှစ် အခြေခံပညာကျောင်းများ ဖွံ့ဖြိုးတိုးတက်ရေး ညှိနှိုင်းအစည်းအဝေး ကျင်းပ

ဟားခါးမြို့၌ ၂၀၂၆ − ၂၀၂၇ ပညာသင်နှစ် အခြေခံပညာကျောင်းများ ဖွံ့ဖြိုးတိုးတက်ရေး ညှိနှိုင်းအစည်းအဝေး ကျင်းပ

ဟားခါး မေ ၁၂

၂၀၂၆−၂၀၂၇ ပညာသင်နှစ် အခြေခံပညာကျောင်းများ ဖွံ့ဖြိုးတိုးတက်ရေးညှိနှိုင်းအစည်းအဝေးကို ယမန်နေ့မွန်းလွဲပိုင်းက ဟားခါးမြို့ ချင်းပြည်နယ်အစိုးရအဖွဲ့ရုံး အစည်းအဝေးခန်းမ၌ ကျင်းပရာ ပြည်နယ်ဝန်ကြီးချုပ် ဒေါက်တာဝုန်ဆွန်းထန်၊ ပြည်နယ်ဝန်ကြီးများ၊ ပညာရေးမှူးများ၊ အခြေခံပညာအထက်တန်း၊ အလယ်တန်း၊ မူလတန်းကျောင်းများနှင့် ကိုယ်ပိုင်ကျောင်းများရှိ ကျောင်းအုပ်ကြီးများ တက်ရောက်ကြသည်။

ဦးစွာ ပြည်နယ်ဝန်ကြီးချုပ်က ပညာရေး၏ ရည်မှန်းချက်သည် အောင်ချက်မြင့်မားရေးတစ်ခုတည်းမဟုတ်ဘဲ ဗလငါးတန်နှင့်ပြည့်စုံသူများဖြစ်အောင်၊ တိုင်းသူပြည်သားများ အားကိုးအားထား ပြုရသည့် လူငယ်လူရွယ်များဖြစ်အောင် ပြုစုပျိုးထောင်သွားရမည်ဖြစ်ကြောင်း အမှာစကားပြော ကြားသည်။

ထို့နောက် ပြည်နယ်ဝန်ကြီးများ၊ ပညာရေးမှူးများ၊ ကျောင်းအုပ်ကြီးများက အခြေခံပညာကျောင်းများ ဖွံ့ဖြိုးတိုးတက်ရေး ဆွေးနွေးတင်ပြကြရာ ပြည်နယ်ဝန်ကြီးချုပ်က ပေါင်းစပ်ညှိနှိုင်းပေးပြီး နိဂုံးချုပ်အမှာစကား ပြောကြားခဲ့ကြောင်း သိရသည်။

ခရိုင် (ပြန်/ဆက်)