အကျဉ်းထောင်/ စခန်းအသီးသီး၌ ပြင်ပကျန်းမာရေးအဖွဲ့များမှ ကျန်းမာရေးဆိုင်ရာ စောင့်ရှောက်ပေးမှုများ ပြုလုပ်

အကျဉ်းထောင်/ စခန်းအသီးသီး၌ ပြင်ပကျန်းမာရေးအဖွဲ့များမှ ကျန်းမာရေးဆိုင်ရာ စောင့်ရှောက်ပေးမှုများ ပြုလုပ်

     အကျဉ်းဦးစီးဌာနကွပ်ကဲမှုအောက်ရှိ အကျဉ်းထောင်/ စခန်းအသီးသီး၌ ကျန်းမာရေးဦးစီးဌာန၊ သက်ဆိုင်ရာခရိုင်၊ မြို့နယ်များရှိ ကျန်းမာရေးအဖွဲ့များနှင့်ပူးပေါင်း၍ လစဉ်ကျန်းမာရေးစောင့်ရှောက်ပေးမှု လုပ်ငန်းများ ဆောင်ရွက်ပေးလျက်ရှိရာ ၂၀၂၆ ခုနှစ်၊ ဖေဖော်ဝါရီ ၁၆ ရက်တွင် တနင်္သာရီတိုင်း ဒေသကြီး၊ ထားဝယ်ပြည်သူ့ဆေးရုံကြီးမှ ဒေါက်တာ ဇင်လင်းထိုက်သည် ထားဝယ်အကျဉ်းထောင်မှ အကျဉ်းသား ၂၀ ဦးအား လည်းကောင်း၊ ဖေဖော်ဝါရီ ၁၇ ရက်တွင် ထားဝယ်ပြည်သူ့ဆေးရုံကြီးမှ ဒေါက်တာ ဖြိုးဝေလင်းသည် ထားဝယ်အကျဉ်းထောင်မှ အကျဉ်းသား ၁၃ ဦးအား လည်းကောင်း၊ ဖေဖော်ဝါရီ ၁၇ ရက်တွင် တနင်္သာရီတိုင်းဒေသကြီး၊ ကော့သောင်းပြည်သူ့ဆေးရုံကြီးမှ ဒေါက်တာ စစ်အောင်နိုင်သည် ကော့သောင်းအကျဉ်းထောင်မှ အကျဉ်းသား၊ အကျဉ်းသူ ၂၀ ဦးအား လည်းကောင်း။

     အလားတူ ဖေဖော်ဝါရီ ၁၈ ရက်တွင် ဧရာဝတီတိုင်းဒေသကြီး၊ ပြည်သူ့ကျန်းမာရေး ဦးစီးဌာနမှ ဒေါက်တာ ပြည့်ဖြိုးသွင် ဦးဆောင်သော အဖွဲ့ဝင် ၁၀ ဦးသည် ပုသိမ်အကျဉ်းထောင်မှ အကျဉ်းသား၊ အကျဉ်းသူ ၂၇၀ ဦးအား လည်းကောင်း၊ ဖေဖော်ဝါရီ ၁၉ ရက်တွင် ပဲခူးတိုင်းဒေသကြီး၊ သာယာဝတီခရိုင်ပြည်သူ့ဆေးရုံကြီးမှ ဆေးရုံအုပ် ဒေါက်တာ စုလှိုင်ထွေး ဦးဆောင်သော အဖွဲ့ဝင် ၇ ဦးသည် သာယာဝတီဗဟိုအကျဉ်းထောင်မှ အကျဉ်းသား၊ အကျဉ်းသူ ၄၇ ဦးအား လည်းကောင်း အသီးသီးကျန်းမာရေးစောင့်ရှောက်မှုများ ပြုလုပ်ပေးခဲ့ကြောင်း သတင်းရရှိပါသည်။