ဧရာဝတီတိုင်းဒေသကြီးဝန်ကြီးချုပ် 2025 - 2026 Myanmar Women League ပြိုင်ပွဲတွင် Champions ဖြစ်ခဲ့သည့် Ayeyarwady Women Football Club မှ ဆုဖလားအပ်နှံခြင်းအခမ်းအနားတက်ရောက်

ဧရာဝတီတိုင်းဒေသကြီးဝန်ကြီးချုပ် 2025 - 2026 Myanmar Women League ပြိုင်ပွဲတွင် Champions ဖြစ်ခဲ့သည့် Ayeyarwady Women Football Club မှ ဆုဖလားအပ်နှံခြင်းအခမ်းအနားတက်ရောက်

ပုသိမ် ဖေဖော်ဝါရီ ၂

2025 - 2026 Myanmar Women League ပြိုင်ပွဲတွင် Champions ဖြစ်ခဲ့သည့် Ayeyarwady Women Football Club မှ ဆုဖလားအပ်နှံခြင်းအခမ်းအနားကို ယနေ့ညနေပိုင်းက ကိုးသိန်းအားကစားကွင်းတွင် ပြုလုပ်ခဲ့ရာ အခမ်းအနားသို့ တိုင်းဒေသကြီးဝန်ကြီးချုပ်ဦးတင်မောင်ဝင်းနှင့် ဇနီး၊ အစိုးရအဖွဲ့ဝင် ဝန်ကြီးများနှင့် ၎င်းတို့၏ဇနီးများ၊ ဌာနဆိုင်ရာများ၊ ဘောလုံးဝါသနာရှင်ပြည်သူများ တက်ရောက်ခဲ့ကြသည်။

ဦးစွာ တိုင်းဒေသကြီးဝန်ကြီးချုပ်နှင့် ဇနီး၊ အစိုးရအဖွဲ့ဝင် ဝန်ကြီးများနှင့်ဇနီးများ၊ အခမ်းအနားသို့ တက်ရောက်လာသူများက Ayeyarwady Women Football Club-Championအသင်းအား ဂုဏ်ပြုပန်းစည်းများဖြင့် ကြိုဆိုဂုဏ်ပြုခဲ့ကြသည်။ ဆက်လက်၍ Ayeyarwady Women Football Club-Championအသင်းအား ဂုဏ်ပြုချီးမြှင့်ငွေများကို တိုင်းဒေသကြီးဝန်ကြီးချုပ်နှင့် ဘောလုံးဝါသနာရှင်ပြည်သူများက ချီးမြှင့်ပေးအပ်ခဲ့ပြီးနောက် တိုင်းဒေသကြီးဝန်ကြီးချုပ်အား ဆုဖလားအပ်နှံ၍ Championအသင်းနှင့်အတူ စုပေါင်းမှတ်တမ်းတင် ဓာတ်ပုံရိုက်ကူးခဲ့ကြသည်။ ယင်းနောက် Ayeyarwady Women Football Club-Championအသင်းမှ အားကစားသမားများနှင့် ပြည်သူများအား မိတ်ဆက်ပေးခဲ့ပြီး တိုင်းဒေသကြီးဝန်ကြီးချုပ်နှင့် ဧည့်သည်တော်များသည် ဧရာဝတီ FC အမျိုးသမီးဘောလုံးအသင်းနှင့် ဧရာဝတီ Training Centreအမျိုးသမီးဘောလုံးအသင်း ချစ်ကြည်ရေး ဘောလုံးပွဲကို ကြည့်ရှုအားပေးခဲ့ကြောင်း သိရသည်။