ပို့ဆောင်ရေးနှင့်ဆက်သွယ်ရေးဝန်ကြီးဌာန ဒုတိယဝန်ကြီး ဦးအောင်ကျော်ထွန်း ပို့ဆောင်ရေးနှင့် ဆက်သွယ်ရေးဝန်ကြီးဌာန ကိုယ်စားပြု ပြခန်းအား ကြည့်ရှုစစ်ဆေး

ပို့ဆောင်ရေးနှင့်ဆက်သွယ်ရေးဝန်ကြီးဌာန ဒုတိယဝန်ကြီး ဦးအောင်ကျော်ထွန်း ပို့ဆောင်ရေးနှင့် ဆက်သွယ်ရေးဝန်ကြီးဌာန ကိုယ်စားပြု ပြခန်းအား ကြည့်ရှုစစ်ဆေး

၉-၂-၂၀၂၃ ရက် (ရန်ကုန်)

ပို့ဆောင်ရေးနှင့်ဆက်သွယ်ရေးဝန်ကြီးဌာန ဒုတိယဝန်ကြီး ဦးအောင်ကျော်ထွန်းသည် ယနေ့နံနက်ပိုင်းတွင် (၇၆)နှစ်မြောက် ပြည်ထောင်စုနေ့အထိမ်းအမှတ်၊ ဝန်ကြီးဌာန ကိုယ်စားပြု ပြခန်းများ ခင်းကျင်းပြသမည့် ရန်ကုန်မြို့၊ ဒဂုံမြို့နယ်ရှိ ပြည်သူ့ရင်ပြင်သို့ ရောက်ရှိရာ ပို့ဆောင်ရေးနှင့်ဆက်သွယ်ရေးဝန်ကြီးဌာန ကိုယ်စားပြုပြခန်း စီစဉ်ဆောင်ရွက်ရေး ကော်မတီ ဥက္ကဋ္ဌနှင့် တာဝန်ရှိသူများက ကြိုဆိုကြပြီး ပြခန်းအတွင်း ခင်းကျင်းပြသရေး ဆောင်ရွက်ထားရှိမှု အခြေအနေများကို လိုက်လံ ရှင်းလင်းတင်ပြပါသည်။

တင်ပြချက်များအပေါ် ဒုတိယဝန်ကြီးက ပြခန်းအား လာရောက်ကြည့်ရှု လေ့လာသော အများပြည်သူများအနေဖြင့် စိတ်ဝင်စားမှုရှိပြီး ဝန်ကြီးဌာန၏ အများပြည်သူအတွက် ဆောင်ရွက်ပေးနေမှုများကို အချိန်တိုအတွင်း သိရှိသွားစေရန်၊ ကဏ္ဍအလိုက် အစီအစဉ်တကျ ခင်းကျင်းပြသနိုင်ရေး ဆောင်ရွက်ရန်နှင့် ကဏ္ဍအလိုက် ကြည့်ရှုလေ့လာသူများကို ရှင်းလင်းပြောကြားနိုင်ရေးအတွက် တာဝန်ခံဝန်ထမ်းများ ထားရှိသွားရန် မှာကြားခဲ့ကြောင်း သတင်းရရှိပါသည်။

ပို့ဆောင်ရေးနှင့်ဆက်သွယ်ရေးဝန်ကြီးဌာန