စစ်ကိုင်းတိုင်းဒေသကြီး၊ ရွှေဘိုမြို့နယ်၌ တရားမဝင် ကျောက်စိမ်းများ သယ်ဆောင်သူများအား ဖမ်းဆီးအရေးယူ

စစ်ကိုင်းတိုင်းဒေသကြီး၊ ရွှေဘိုမြို့နယ်၌ တရားမဝင် ကျောက်စိမ်းများ သယ်ဆောင်သူများအား ဖမ်းဆီးအရေးယူ

     ၂၀၂၅ ခုနှစ်၊ နိုဝင်ဘာ ၆ ရက်က စစ်ကိုင်းတိုင်းဒေသကြီး၊ ရွှေဘိုမြို့နယ်၌ တရားမဝင် ကျောက်စိမ်းများ သယ်ဆောင်လာသူများအား ဖမ်းဆီးအရေးယူထားကြောင်း သိရသည်။

     ဖြစ်စဉ်မှာ နိုဝင်ဘာ ၆ ရက် မွန်းလွဲ ၁၂ နာရီ ၅၀ မိနစ်တွင် စစ်ကိုင်းတိုင်းဒေသကြီး၊  ရွှေဘို မြို့မရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ရွှေဘိုမြို့နယ်၊ မန္တလေး-မြစ်ကြီးနား ကားလမ်းပေါ်ရှိ ပူးပေါင်းစစ်ဆေးရေးဂိတ်၌ မော်တော်ယာဉ်စစ်ဆေးခြင်းများ ဆောင်ရွက်နေစဉ် မြစ်ကြီးနားမြို့မှ ရွှေဘိုမြို့ဘက်သို့ ပဲခူးတိုင်းဒေသကြီး၊ မိုးညိုမြို့နယ်၊ ရေကင်းကျေးရွာနေ ဇော်ထွန်း(၄၂)နှစ် မောင်းနှင်ပြီး ကချင်ပြည်နယ်၊ မြစ်ကြီးနားမြို့နယ်၊ စက်မှုဇုန်ရပ်ကွက်နေ ဇင်ကို(၃၀)နှစ် လိုက်ပါလာသည့် MDY-16/3C-XXXX STATION WAGON မော်တော်ယာဉ်အား ရပ်တန့်စစ်ဆေးခဲ့ရာ မော်တော်ယာဉ်နောက်ခန်း ကြမ်းခင်းအံဝှက်အတွင်း တရားမဝင် သိုဝှက် သယ် ဆောင်လာသည့် ကျောက်စိမ်းအရိုင်းတုံး ဆိုဒ်စုံ ၄၇ တုံး၊ ကျောက်စိမ်းဖြတ်စရောရာ ၆၃ ခု၊ ကျောက်စိမ်းခွဲခြမ်း ၁ ခု၊ စုစုပေါင်းအလေးချိန် ၅၉၆.၉ ကီလိုဂရမ်ခန့်အား တွေ့ရှိဖမ်းဆီးရမိခဲ့သဖြင့် ဇော်ထွန်းနှင့် ဇင်ကိုတို့ နှစ်ဦးအား ရွှေဘိုမြို့မရဲစခန်း (ပ)၃၂၅/၂၀၂၅၊ မြန်မာ့ကျောက်မျက်ရတနာဥပဒေပုဒ်မ ၅၁(က)၊(ခ) ဖြင့် အမှုဖွင့်အရေး ယူထားကြောင်း သတင်းရရှိပါသည်။