ဒု-စာရင်းစစ်မှူးနှင့် လက်ထောက်စာရင်းစစ်မှူးများ လုပ်ငန်းခွင်ကျွမ်းကျင်မှု မွမ်းမံသင်တန်း အမှတ်စဉ် (၂) သင်တန်းဆင်းပွဲအခမ်းအနားကျင်းပခြင်း

ဒု-စာရင်းစစ်မှူးနှင့် လက်ထောက်စာရင်းစစ်မှူးများ လုပ်ငန်းခွင်ကျွမ်းကျင်မှု မွမ်းမံသင်တန်း အမှတ်စဉ် (၂) သင်တန်းဆင်းပွဲအခမ်းအနားကျင်းပခြင်း

ပြည်ထောင်စုစာရင်းစစ်ချုပ်ရုံး၊ အဆင့်မြင့်စာရင်းကိုင်နှင့် စာရင်းစစ်သင်တန်းကျောင်း နေပြည်တော်နှင့် တိုင်းဒေသကြီး/ပြည်နယ်စာရင်းစစ်ချုပ်ရုံးများတွင် ဖွင့်လှစ်သည့် ဒု-စာရင်းစစ်မှူးနှင့် လက်ထောက်စာရင်းစစ်မှူးများ လုပ်ငန်းခွင်ကျွမ်းကျင်မှုမွမ်းမံသင်တန်း အမှတ်စဉ် (၂) သင်တန်းဆင်းပွဲအခမ်းအနားကို ၂၀၂၅ ခုနှစ်၊ ဒီဇင်ဘာလ ၄ ရက်နေ့ နံနက် ၁၀: ၀၀ နာရီတွင် နေပြည်တော်ရှိ ပြည်ထောင်စုစာရင်းစစ်ချုပ်ရုံး၊ နဝရတ်ခန်းမ၌ Hybrid စနစ်ဖြင့် ကျင်းပပြုလုပ်ခဲ့သည်။

အခမ်းအနားတွင် အမြဲတမ်းအတွင်းဝန် ဒေါ်ခိုင်ခိုင်အောင်က အမှာစကားပြောကြား ရာတွင် သင်တန်းသားများအနေဖြင့် ယခုသင်တန်းတက်ရောက်ခြင်းဖြင့် အရည်အသွေးများ ပိုမိုတိုးတက်လာမည်ဖြစ်ပြီး လက်တွေ့လုပ်ငန်းခွင်အတွေ့အကြုံများကို စာတွေ့လက်တွေ့ ပေါင်းစပ်၍ အကျိုးရှိစွာ အသုံးချစေလိုပါကြောင်း၊ မိမိတို့၏ အသက်မွေးဝမ်းကျောင်းပညာရပ် နှင့်သက်ဆိုင်သည့် သိသင့်သိထိုက်သည်များကို အမြဲမပြတ်လေ့လာကြိုးစားခြင်းဖြင့် ဌာန အဖွဲ့အစည်းများ၏ ငွေကြေးရရှိမှု၊ သုံးစွဲမှုများ၊ လုပ်ငန်းဆောင်ရွက်မှုများသည် သက်ဆိုင်ရာ စည်းမျဉ်း၊ စည်းကမ်း၊ အမိန့်၊ ညွှန်ကြားချက်များနှင့်အညီဖြစ်စေရေး တည့်မတ်ပေးနိုင်သည့် အရည်အချင်းများ ရရှိလာမည်ဖြစ်ပါကြောင်း၊ နိုင်ငံတော်နှင့် ပြည်သူတို့က အားထားရသည့် ဝန်ထမ်းကောင်းများဖြစ်စေရေး ကြိုးစားဆောင်ရွက်ကြရန် ၊ လုပ်ငန်းတာဝန်များ ဆောင်ရွက် ရာတွင် လိုက်နာရမည့် ကျင့်ဝတ်သိက္ခာများကို လိုက်နာကြရန်နှင့် ရှောင်ကြဉ်သင့်သည့် အပြု အမူများကိုလည်း ရှောင်ကြဉ်ကြရန်၊ “သင့်အောင်ပေါင်း၊ ကောင်းအောင်နေ၊ တော်အောင် ကြိုးစား၊ စည်းကမ်းရိုသေ၊ တာဝန်ကျေပါစေ” ဟူသည့် ဤရုံး၏ ဆောင်ပုဒ်နှင့်အညီ ပြုမူ နေထိုင်ပြီး နိုင်ငံ့အကျိုး၊ ပြည်သူ့အကျိုးကို ဆထက်ထမ်းပိုး ဆောင်ရွက်ကြရန် တိုက်တွန်း ပြောကြားခဲ့သည်။

ထို့နောက် ပြည်ထောင်စုစာရင်းစစ်ချုပ်ရုံးအဖွဲ့၊ ပြည်တွင်းပြည်ပဆက်ဆံရေးနှင့် သတင်းပြန်ကြားရေးဌာနခွဲမှ ဒုတိယစာရင်းစစ်မှူး ဦးဇင်ဇော်ထိုက်က သင်တန်းသားများ ကိုယ်စား ကျေးဇူးတင်စကား ပြန်လည်ပြောကြားခဲ့သည်။

အဆိုပါသင်တန်းတွင် ရုံးချုပ်နှင့်တိုင်းဒေသကြီး/ပြည်နယ်စာရင်းစစ်ချုပ်ရုံးများမှ ဒု-စာရင်းစစ်မှူး (၆၆၃) ဦး နှင့် လက်ထောက်စာရင်းစစ်မှူး (၈၆) ဦး စုစုပေါင်း သင်တန်းသား (၇၄၉) ဦး တက်ရောက်ခဲ့သည်။

သင်တန်းဆင်းပွဲအခမ်းအနားသို့ ညွှန်ကြားရေးမှူးချုပ်များ၊ ဒုတိယအမြဲတမ်းအတွင်းဝန်၊ ဒုတိယညွှန်ကြားရေးမှူးချုပ်များနှင့် တာဝန်ရှိသူများ၊ ကထိကများနှင့်သင်တန်းသား/ သင်တန်းသူများမှ နဝရတ်ခန်းမ၌ လည်းကောင်း၊ တိုင်းဒေသကြီး/ပြည်နယ်စာရင်းစစ်ချုပ်ရုံး တို့မှ တာဝန်ရှိသူများ၊ ကထိကများနှင့် သင်တန်းသား/သင်တန်းသူများမှ Online ဖြင့်လည်း ကောင်း တက်ရောက်ခဲ့ကြသည်။