နေပြည်တော်ကောင်စီဥက္ကဋ္ဌ ဦးသန်းထွန်းဦး ဇမ္ဗူသီရိမြို့နယ်နှင့် ပုဗ္ဗသီရိမြို့နယ်တို့တွင် 230 KV ပျဉ်းမနား- နေပြည်တော် (၁) မဟာဓာတ်အားလိုင်း လိုင်းအူကြောင်းနေရာ ပြောင်းရွှေ့ခြင်းနှင့် တာဝါတိုင်အသစ်စိုက်ထူခြင်း၊ တာဝါတိုင်အဟောင်း ပြောင်းရွှေ့ခြင်းလုပ်ငန်းဆောင်ရွက်နေမှုများ ကြည့်ရှုစစ်ဆေး

နေပြည်တော်ကောင်စီဥက္ကဋ္ဌ ဦးသန်းထွန်းဦး ဇမ္ဗူသီရိမြို့နယ်နှင့် ပုဗ္ဗသီရိမြို့နယ်တို့တွင် 230 KV ပျဉ်းမနား- နေပြည်တော် (၁) မဟာဓာတ်အားလိုင်း လိုင်းအူကြောင်းနေရာ ပြောင်းရွှေ့ခြင်းနှင့် တာဝါတိုင်အသစ်စိုက်ထူခြင်း၊ တာဝါတိုင်အဟောင်း ပြောင်းရွှေ့ခြင်းလုပ်ငန်းဆောင်ရွက်နေမှုများ ကြည့်ရှုစစ်ဆေး

နေပြည်တော် မတ် ၂၀

နေပြည်တော်ကောင်စီဥက္ကဋ္ဌ မြို့တော်ဝန် ဦးသန်းထွန်းဦးသည် နေပြည်တော်ကောင်စီဝင်များ၊ နေပြည်တော်စည်ပင်သာယာရေးကော်မတီ ဒုတိယမြို့တော်ဝန်နှင့်အတူ ယနေ့နံနက်ပိုင်းတွင် ဇမ္ဗူသီရိမြို့နယ်နှင့် ပုဗ္ဗသီရိမြို့နယ်တို့တွင် လျှပ်စစ်စွမ်းအားဝန်ကြီးဌာန လျှပ်စစ်ဓာတ်အားပို့လွှတ်ရေးနှင့် ကွပ်ကဲရေးဦးစီးဌာနက တာဝန်ယူဆောင်ရွက်နေသည့် 230 KV ပျဉ်းမနား-နေပြည်တော် (၁) မဟာဓာတ်အားလိုင်း လိုင်းအူကြောင်းနေရာ ပြောင်းရွှေ့ခြင်းနှင့် တာဝါတိုင်အသစ်စိုက်ထူခြင်း (Diversion) လုပ်ငန်း၊ တာဝါတိုင်အဟောင်း ပြောင်းရွှေ့ခြင်းလုပ်ငန်းဆောင်ရွက်နေမှုအခြေအနေများကို သွားရောက်ကြည့်ရှုစစ်ဆေးသည်။

ကြည့်ရှုစစ်ဆေးစဉ် လျှပ်စစ်စွမ်းအားဝန်ကြီးဌာန နေပြည်တော်လျှပ်စစ်ဓာတ်အား ဖြန့်ဖြူးရေးလုပ်ငန်း (ပြည်ထောင်စုနယ်မြေ) မှ အင်ဂျင်နီယာချုပ် ဦးမိုးသက်က လုပ်ငန်းဆောင်ရွက်နေမှုအခြေအနေကို ရှင်းလင်းတင်ပြရာ နေပြည်တော်ကောင်စီဥက္ကဋ္ဌက လုပ်ငန်းများ သတ်မှတ်ချိန်အတွင်း အချိန်မီပြီးစီးအောင် ဆောင်ရွက်ရန်နှင့် လုပ်ငန်းခွင်အန္တရာယ်ကင်းရှင်းစေရေး ဂရုတစိုက်ဆောင်ရွက်ကြရန် တာဝန်ရှိသူများအား မှာကြားသည်။

ဂုဏ်ပြုမှတ်တမ်းလွှာ ပြန်လည်ပေးအပ်

ထို့နောက် နှစ် (၈၀) ပြည့် တပ်မတော်နေ့အခမ်းအနားအတွက် လုံခြုံရေးတာဝန်ထမ်းဆောင်နေကြသည့် တပ်မတော်သားများနှင့် မြန်မာနိုင်ငံရဲတပ်ဖွဲ့ဝင်များအတွက် နေပြည်တော်ကောင်စီမိသားစုက ပေးအပ်လှူဒါန်းသည့် ငွေကျပ်သိန်း ၁၀၀ ကျော် တန်ဖိုးရှိ စားသောက်ဖွယ်ရာများကို နေပြည်တော်တိုင်းစစ်ဌာနချုပ်ရှိ ပေါင်းလောင်းရိပ်သာ၌ သွားရောက်ပေးအပ်ရာ နေပြည်တော်တိုင်းစစ်ဌာနချုပ် တိုင်းမှူး ဗိုလ်ချုပ်စိုးမင်းက လက်ခံရယူပြီး ဂုဏ်ပြုမှတ်တမ်းလွှာ ပြန်လည်ပေးအပ်၍ ကျေးဇူးတင်စကားပြောကြားခဲ့ကြောင်း သိရသည်။

သတင်းစဉ်