ပီတန်းအားကစားသမားများ၏ ပထမအကြိမ် Single Shooting လက်ရည်ဆန်းစစ်ပြိုင်ပွဲနှင့် ဆုချီးမြှင့်ပွဲ ကျင်းပ

ပီတန်းအားကစားသမားများ၏ ပထမအကြိမ် Single Shooting လက်ရည်ဆန်းစစ်ပြိုင်ပွဲနှင့် ဆုချီးမြှင့်ပွဲ ကျင်းပ

နေပြည်တော် ဧပြီ ၂၆

(၃၃)ကြိမ်မြောက် အရှေ့တောင်အာရှအားကစားပြိုင်ပွဲသို့ ဝင်ရောက်ယှဉ်ပြိုင်ရန်အတွက် နေပြည်တော်၌ စခန်းဝင်လေ့ကျင့်လျက်ရှိသည့် ပီတန်းအားကစားသမားများ၏ ပထမအကြိမ် Single Shooting လက်ရည်ဆန်းစစ်ပြိုင်ပွဲနှင့် ဆုချီးမြှင့်ပွဲကို ယနေ့နံနက်ပိုင်းတွင် နေပြည်တော်အားကစားလေ့ကျင့်ရေးစခန်း (Gold Camp)၌ ကျင်းပရာ အားကစားနှင့်လူငယ်ရေးရာဝန်ကြီးဌာန ပြည်ထောင်စုဝန်ကြီး Jeng Phang နော်တောင်၊ ဒုတိယဝန်ကြီးများဖြစ်ကြသည့် ဦးထိန်လင်း၊ ဦးဇင်မင်းထက်နှင့် တာဝန်ရှိသူများ တက်ရောက်ကြည့်ရှုအားပေးသည်။

ပေးအပ်ချီးမြှင့်

ယနေ့ပြိုင်ပွဲ ပွဲစဉ်များအဖြစ် ပီတန်းအားကစားနည်း Single Shooting (အမျိုးသား/အမျိုးသမီး) တတိယလုပွဲနှင့် ဗိုလ်လုပွဲပွဲစဉ်များကို ယှဉ်ပြိုင်ကစားခဲ့ပြီး ပွဲစဉ်များအပြီးတွင် ဆုချီးမြှင့်ပွဲကို ဆက်လက်ကျင်းပရာ Single Shooting (အမျိုးသား/အမျိုးသမီး) ပြိုင်ပွဲတွင် ဆုရရှိခဲ့ကြသူများကို ပြည်ထောင်စုဝန်ကြီးနှင့် ဒုတိယဝန်ကြီးများက ဆုများ ပေးအပ်ချီးမြှင့်ကြသည်။

တိုက်တွန်းပြောကြား

ထို့နောက် ပြည်ထောင်စုဝန်ကြီးသည် အုပ်ချုပ်၊ နည်းပြများနှင့် အားကစားသမားများအား ရင်းရင်းနှီးနှီးတွေ့ဆုံ၍ (၃၃)ကြိမ်မြောက် အရှေ့တောင်အာရှအားကစားပြိုင်ပွဲ နီးကပ်လာပြီဖြစ်၍ အောင်မြင်မှုရရှိစေရန်နှင့် ပြိုင်ပွဲအတွေ့အကြုံ များများရရှိစေရန်အတွက် ယခုကဲ့သို့ လက်ရည်ဆန်း စစ်ပြိုင်ပွဲများကို မကြာခဏကျင်းပပြုလုပ်ပေးသွားမည်ဖြစ်၍ အားကစားသမားများအနေဖြင့် ယခင်ရရှိထားသည့် စံချိန်၊ စံညွှန်းများထက် ပိုမိုကောင်းမွန်တိုးတက်လာအောင် နည်းပြများ၏ သင်ကြားလေ့ကျင့်ပေးမှုများအတိုင်း လိုက်နာပြီး ဇွဲ၊ စိတ်ဓာတ်အပြည့်ဖြင့် ကြိုးစားလေ့ကျင့်သွားကြရန် တိုက်တွန်းပြောကြားခဲ့ကြောင်း သိရသည်။

သတင်းစဉ်