ပေါ်တူဂီတိုက်စစ်မှူး စီရိုနယ်လ်ဒို ကမ္ဘာ့ဖလားခြေစစ်ပွဲသွင်းဂိုးအများဆုံးကစားသမားအဖြစ် စံချိန်တင်

ပေါ်တူဂီတိုက်စစ်မှူး စီရိုနယ်လ်ဒို ကမ္ဘာ့ဖလားခြေစစ်ပွဲသွင်းဂိုးအများဆုံးကစားသမားအဖြစ် စံချိန်တင်

စီရိုနယ်လ်ဒိုဟာ ပေါ်တူဂီအသင်းနဲ့ ဟန်ဂေရီအသင်းတို့ အောက်တိုဘာ ၁၅ ရက်က တစ်ဖက်နှစ်ဂိုးစီသရေရလဒ်ထွက်ပေါ်ခဲ့တဲ့ ကမ္ဘာ့ဖလားခြေစစ်ပွဲစဉ်မှာ သွင်းဂိုးနှစ်ဂိုးသွင်းယူနိုင်ခဲ့တာကြောင့် ကစားသမားဘဝတစ်လျှောက် ကမ္ဘာ့ဖလားခြေစစ်ပွဲစဉ်တွေမှာ သွင်းယူခဲ့တဲ့ သွင်းဂိုး ၄၁ ဂိုး အထိရှိလာခဲ့တာ ဖြစ်ပါတယ်။

တိုက်စစ်မှူး ကားလို့ရုဇ်

အရင်က ကမ္ဘာ့ဖလားပြိုင်ပွဲခြေစစ်ပွဲစဉ်တွေမှာ ဂိုးသွင်းအများဆုံးကစားသမားအဖြစ် စံချိန်တင်ခဲ့တာက‌တော့ ဂွါတီမာလာအသင်းတိုက်စစ်မှူး ကားလို့ရုဇ်ဖြစ်ပြီး ကမ္ဘာ့ဖလားခြေစစ်ပွဲစဉ်တွေမှာ သွင်းဂိုး  ၃၉ ဂိုး သွင်းယူနိုင်ခဲ့ တာဖြစ်ပါတယ်။

လက်ရှိအချိန်မှာ စီရိုနယ်လ်ဒိုကကမ္ဘာ့ဖလားခြေစစ်ပွဲ ဂိုးသွင်းအများဆုံးကစားသမားအဖြစ် မှတ်တမ်းဝင်ထားပြီး စီရိုနယ်လ်ဒိုရဲ့ အဓိကပြိုင်ဘက်အာဂျင်တီးနားအသင်းတိုက်စစ်မှူး လီယွန်နယ်မက်ဆီက ကမ္ဘာ့ဖလားခြေစစ်ပွဲ သွင်းဂိုး ၃၆ ဂိုးနဲ့ တတိယဂိုးသွင်းအများဆုံး ကစားသမားအဖြစ် ရပ်တည်နေတာဖြစ်ပါတယ်။

အဲဒီနောက်မှာ အီရန်တိုက်စစ်မှူးအလီဒေးက ကမ္ဘာ့ဖလားခြေစစ်ပွဲ သွင်းဂိုး ၃၅ ဂိုးနဲ့ စတုတ္ထ၊ ပိုလန်တိုက်စစ်မှူး လီဝန်ဒိုစကီးက ၃၂ ဂိုးနဲ့ ပဉ္စမအသီးသီးရပ်တည်နေတာဖြစ်ပါတယ်။

အသက် ၄၀ အရွယ် တိုက်စစ်မှူးစီရိုနယ်လ်ဒိုဟာ ဟန်ဂေရီအသင်းနဲ့ ပွဲစဉ်မှာသွင်းယူခဲ့တဲ့ သွင်းဂိုးနှစ်ဂိုးအပါအဝင် ပေါ်တူဂီနိုင်ငံလက်ရွေးစင်အသင်းအတွက် နိုင်ငံတကာသွင်းဂိုး ၁၄၃ ဂိုးအထိ သွင်းယူနိုင်ခဲ့ပြီး ကစားသမားဘဝတစ်လျှောက် နိုင်ငံနဲ့ကလပ်အတွက် သွင်းဂိုး စုစုပေါင်း ၉၄၈ ဂိုးအထိရှိလာခဲ့ပြီဖြစ်ပါတယ်။

ငွေကြယ်