မကွေးတိုင်းဒေသကြီး၊ မင်းလှမြို့နယ်၌ လောင်စာဆီများ တရားမဝင်သယ်ဆောင်လာသူ အမျိုးသား တစ်ဦးအား ဖမ်းဆီးအရေးယူ

မကွေးတိုင်းဒေသကြီး၊ မင်းလှမြို့နယ်၌ လောင်စာဆီများ တရားမဝင်သယ်ဆောင်လာသူ အမျိုးသား တစ်ဦးအား ဖမ်းဆီးအရေးယူ

     ၂၀၂၅ ခုနှစ်၊ ဖေဖော်ဝါရီ ၈ ရက်တွင် မကွေးတိုင်းဒေသကြီး၊ မင်းလှမြို့နယ်၌ လောင်စာဆီများ တရားမဝင်သယ်ဆောင်လာသူ အမျိုးသား တစ်ဦးအား ဖမ်းဆီးအရေးယူထားကြောင်း သိရသည်။

     ဖြစ်စဉ်မှာ ၂၀၂၅ ခုနှစ်၊ ဖေဖော်ဝါရီ ၈ ရက် မွန်းလွဲ ၂ နာရီတွင် မကွေးတိုင်းဒေသကြီး၊ မင်းလှမြို့နယ်၊ ကညင်းကြီးကျေးရွာနှင့် မလွန်စမ်းကျေးရွာသွားလမ်းတွင် လောင်စာဆီများ တရားမဝင် သယ်ဆောင်နေကြောင်း သတင်းအရ ညောင်ဝိုင်းရဲကင်းစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့က သွားရောက်စစ်ဆေးခဲ့ရာ ကညင်းကြီးကျေးရွာမှ မလွန်စမ်းကျေးရွာသို့ ကညင်းကြီးကျေးရွာနေ ဦးသန်းခိုင်(၄၄)နှစ် မောင်းနှင်လာသည့် ဆိုင်ကယ်ပေါ်တွင် ငါးဂါလန်ဆံ့ ကော်ပုံး လေးပုံးဖြင့် ဒီဇယ် ၂၀ ဂါလန်ခန့်အား တင်ဆောင်လာသည်ကို တွေ့ရှိရ၍ စစ်ဆေးရာ ခွင့်ပြုချက်အထောက်အထား တစ်စုံတစ်ရာမပါရှိဘဲ သယ်ဆောင်လာခြင်းဖြစ်ကြောင်း သိရှိရသဖြင့် ဦးသန်းခိုင်အား မင်းလှမြို့မရဲစခန်း (ပ)၁၀/၂၀၂၅၊ ရေနံနှင့်ရေနံထွက်ပစ္စည်းများဆိုင်ရာဥပဒေ ပုဒ်မ ၃၇ ဖြင့် အမှုဖွင့်အရေးယူထားကြောင်း သတင်းရရှိသည်။