မကွေးတိုင်းဒေသကြီး၊ သရက်မြို့နယ်၌ PDF အမည်ခံ အကြမ်းဖက်အဖွဲ့က အပြစ်မဲ့ အရပ်သားပြည်သူ တစ်ဦးအား Viber အကောင့်မှတစ်ဆင့် ဆက်ကြေးငွေတောင်းခံသည့် အကြောင်းကြားစာများ ပေးပို့၍ ခြိမ်းခြောက်ခြင်းများ လုပ်ဆောင်

မကွေးတိုင်းဒေသကြီး၊ သရက်မြို့နယ်၌ PDF အမည်ခံ အကြမ်းဖက်အဖွဲ့က အပြစ်မဲ့ အရပ်သားပြည်သူ တစ်ဦးအား Viber အကောင့်မှတစ်ဆင့် ဆက်ကြေးငွေတောင်းခံသည့် အကြောင်းကြားစာများ ပေးပို့၍ ခြိမ်းခြောက်ခြင်းများ လုပ်ဆောင်

     အကြမ်းဖက်သောင်းကျန်းသူများသည် နိုင်ငံတော်တည်ငြိမ်အေးချမ်းမှုကို ပျက်ပြားစေရန်နှင့် အုပ်ချုပ်မှုယန္တရားများ ပျက်စီးစေရန် ရည်ရွယ်၍ အုပ်ချုပ်ရေးပိုင်းဆိုင်ရာ တာဝန်ရှိသူများ၊ ဌာနဆိုင်ရာအသီးသီးမှ နိုင်ငံ့ဝန်ထမ်းများနှင့် အပြစ်မဲ့ အရပ်သားပြည်သူများအား ခြိမ်းခြောက်ခြင်း၊ ဖမ်းဆီးခေါ်ဆောင်ခြင်း၊ ဆက်ကြေးတောင်းခံခြင်းနှင့် လုပ်ကြံသတ်ဖြတ်ခြင်းများကို လုပ်ဆောင်လျက်ရှိပါသည်။

     ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ နိုဝင်ဘာ ၇ ရက် ညနေ ၅ နာရီတွင် မကွေးတိုင်းဒေသကြီး၊ သရက်မြို့နယ်၊ အကောက်တဲကျေးရွာနေ စက်သုံးဆီဆိုင်ပိုင်ရှင်ဖြစ်သူ ဦးချို (၅၈)နှစ်၏ Viber အကောင့် ဖုန်းနံပါတ် ၀၉-xxxxxxx သို့ PDF အမည်ခံ အကြမ်းဖက်သမား တစ်ဦးက Viber အကောင့် ဖုန်းနံပါတ် ၀၉-၇၆၇၅၉၃၃၉၈ ဖြင့် ဆက်ကြေးငွေတောင်းခံသည့် အကြောင်းကြားစာများ ပေးပို့၍ ခြိမ်းခြောက်ခဲ့ကြောင်း သိရသည်။

     ထိုသို့ အပြစ်မဲ့ အရပ်သားပြည်သူ တစ်ဦးအား ဖုန်းဖြင့် ခြိမ်းခြောက်မှုများ လုပ်ဆောင်ခဲ့သည့် အကြမ်းဖက်သမားများအား ဖော်ထုတ်ဖမ်းဆီးအရေးယူနိုင်ရေးနှင့် နယ်မြေဒေသတည်ငြိမ်အေးချမ်းအတွက် လုံခြုံရေးတပ်ဖွဲ့ဝင်များက လိုအပ်သည့် လုံခြုံရေးလုပ်ငန်းများကို ပြည်သူလူထုနှင့်ပူးပေါင်းကာ တိုးမြှင့်လုပ်ဆောင်လျက်ရှိကြောင်း သတင်းရရှိပါသည်။