မန္တလေးတိုင်းဒေသကြီးဝန်ကြီးချုပ် မန္တလေးမြို့တွင်းသို့ အကြမ်းဖက်သောင်းကျန်းသူများ ပစ်ခတ်ခဲ့သည့် ရှော့တိုက်ဒုံးကျရောက်ပေါက်ကွဲခဲ့မှုကြောင့် အပြစ်မဲ့ပြည်သူနှစ်ဦး ထိခိုက်ဒဏ်ရာများရရှိ၍ မန္တလေးပြည်သူ့ဆေးရုံကြီးတွင် ဆေးဝါးကုသမှုခံယူနေမှုကို သွားရောက်အားပေးပြီး ထောက်ပံ့ငွေများပေးအပ်

မန္တလေးတိုင်းဒေသကြီးဝန်ကြီးချုပ် မန္တလေးမြို့တွင်းသို့ အကြမ်းဖက်သောင်းကျန်းသူများ ပစ်ခတ်ခဲ့သည့် ရှော့တိုက်ဒုံးကျရောက်ပေါက်ကွဲခဲ့မှုကြောင့် အပြစ်မဲ့ပြည်သူနှစ်ဦး ထိခိုက်ဒဏ်ရာများရရှိ၍ မန္တလေးပြည်သူ့ဆေးရုံကြီးတွင် ဆေးဝါးကုသမှုခံယူနေမှုကို သွားရောက်အားပေးပြီး ထောက်ပံ့ငွေများပေးအပ်

မန္တလေး ဒီဇင်ဘာ ၂၈

မန္တလေးတိုင်းဒေသကြီးဝန်ကြီးချုပ် ဦးမျိုးအောင်သည် တိုင်းဒေသကြီးဝန်ကြီးများနှင့် အတွင်းရေးမှူးတို့လိုက်ပါပြီး ယနေ့နံနက်ပိုင်းက မန္တလေးမြို့တွင်းသို့ အကြမ်းဖက်သောင်းကျန်းသူများ ပစ်ခတ်ခဲ့သည့် ရှော့တိုက်ဒုံးကျရောက်ပေါက်ကွဲမှုကြောင့် အပြစ်မဲ့ပြည်သူ အရပ်သားနှစ်ဦးမှာ ထိခိုက်ဒဏ်ရာရရှိ၍ မန္တလေးပြည်သူ့ဆေးရုံကြီးတွင် ဆေးကုသပေးနေမှုအား သွားရောက်ကြည့်ရှုပြီး အားပေးစကားများ ပြောကြားကာ ထောက်ပံ့ငွေများ ပေးအပ်ခဲ့သည်။

အကြမ်းဖက်သောင်းကျန်းသူများသည် အေးချမ်းစွာနေထိုင်လျက်ရှိသော အရပ်သားပြည်သူများ နေထိုင်ရာမြို့၊ ရပ်ကွက်၊ ကျေးရွာများအတွင်း၌ တိုက်ကွက်များဖော်ဆောင်ခြင်း၊ Drop Bomb များဖြင့် တိုက်ခိုက်ခြင်း၊ ရှော့တိုက်ဒုံးများဖြင့် ပစ်ခတ်တိုက်ခိုက်ခြင်းများ လုပ်ဆောင်လျက်ရှိသည့်အပြင် ယနေ့တွင် ကျင်းပသည့် ၂၀၂၅ ခုနှစ် ပါတီစုံဒီမိုကရေစီ အထွေထွေရွေးကောက်ပွဲအား ပျက်စီးရာပျက်စီးကြောင်း ကြံရွယ်လျက်နှောင့်ယှက်ဖျက်ဆီးရာ ယနေ့နံနက် ၁ နာရီ မိနစ် ၃၀ ခန့်မှ ၂ နာရီအချိန်ခန့်အထိ ရှော့တိုက်ဒုံးလေးလုံးဖြင့် ပစ်ခတ်ခဲ့ပြီး အကြမ်းဖက်သောင်းကျန်းသူများ ပစ်ခတ်ခဲ့သည့် ရှော့တိုက်ဒုံးများသည် မတ္တရာမြို့နယ် နန်းတော်ကျွန်းကျေးရွာအနီးသို့ သုံးလုံး၊ မန္တလေးမြို့ အောင်မြေသာစံမြို့နယ် အမရဌာနီအရှေ့ရပ်ကွက်အတွင်း လူနေအိမ်ပေါ်သို့ တစ်လုံး ကျရောက် ပေါက်ကွဲခဲ့သည်။

အောင်မြေသာစံမြို့နယ် အမရဌာနီအရှေ့ ရပ်ကွက်အတွင်း ကျရောက်ပေါက်ကွဲခဲ့မှုကြောင့် လူနေအိမ်နှစ်လုံး ထိခိုက်ပျက်စီးခဲ့ပြီး ရပ်ကွက်အတွင်း နေထိုင်သူ အသက်(၃၂) နှစ်အရွယ် အမျိုးသားတစ်ဦးနှင့် ၎င်း၏ ဇနီးအသက်(၃၀)အရွယ် အမျိုးသမီးတစ်ဦးတို့ ထိခိုက်ဒဏ်ရာများရရှိခဲ့၍မန္တလေး ပြည်သူ့ဆေးရုံကြီးသို့ပို့ဆောင်ခဲ့ပြီး လိုအပ်သည့်ဆေးဝါးကုသမှုများနှင့် ကျန်းမာရေးစောင့်ရှောက်မှုများကို ဆောင်ရွက်ပေးလျက်ရှိကြောင်း သတင်းရရှိသည်။                       

သတင်းစဉ်