မော်တော်ဆိုင်ကယ် ပြုပြင်ထိန်းသိမ်းနည်းပညာသင်တန်း(ပထမ)အကြိမ်နှင့် တန်ဖိုးမြှင့်စားသောက်ကုန်ထုတ်လုပ်မှု နည်းပညာသင်တန်း(ဒုတိယအကြိမ်)သင်တန်းဆင်း

မော်တော်ဆိုင်ကယ် ပြုပြင်ထိန်းသိမ်းနည်းပညာသင်တန်း(ပထမ)အကြိမ်နှင့် တန်ဖိုးမြှင့်စားသောက်ကုန်ထုတ်လုပ်မှု နည်းပညာသင်တန်း(ဒုတိယအကြိမ်)သင်တန်းဆင်း

ဘားအံ - ဩဂုတ် (၁၁)

ကရင်ပြည်နယ်၊ ကော့ကရိတ်ခရိုင်အသေးစားစက်မှုလက်မှုလုပ်ငန်းဦးစီးဌာနက ကြီးမှူးကျင်းပသော အသေး စားကုန်ထုတ်လုပ်ငန်းများ ဖန်တီးပေးနိုင်ရေးနှင့်ကျေးလက်နေမိသားစုဝင်ငွေတိုးရေးစီမံကိန်းဖြင့် အကောင်အထည် ဖော်ဆောင်ရွက်သည့် မော်တော်ဆိုင်ကယ်ပြုပြင်ထိန်းသိမ်းနည်းပညာသင်တန်း(ပထမအကြိမ်)နှင့် တန်ဖိုးမြှင့် စားသောက်ကုန်ထုတ်လုပ်မှုနည်းပညာသင်တန်း(ဒုတိယအကြိမ်)သင်တန်းဆင်းပွဲကို လှိုင်းဘွဲမြို့နယ်၊ အောက်ရေပူ ကျေးရွာ၊ ရေပူကျောင်းကြီးဓမ္မာရုံ၌ ကျင်းပသည်။

ထို့နောက် သင်တန်းဆင်းပွဲအခမ်းအနားကို ကျင်းပရာ ပြည်နယ်ဝန်ကြီးချုပ်ဦးစောမြင့်ဦးက သင်တန်းဆင်း သင်တန်းသား/သူများအနေဖြင့် သင်တန်းမှသင်ကြားပေးလိုက်သောနည်းပညာရပ်များကို ပိုမိုကျွမ်းကျင်တတ်မြောက် အောင် လက်တွေ့နယ်ပယ်တွင်ပြန်လည်အသုံးချရင်း ကိုယ်ပိုင်လုပ်ငန်းငယ်များလုပ်ကိုင်၍ အောင်မြင်သော လုပ်ငန်း ရှင်များအဖြစ် ထူထောင်ဆောင်ရွက်နိုင်ကြပါစေကြောင်းပြောကြားပြီး မော်တော်ဆိုင်ကယ်ပြုပြင်ထိန်းသိမ်းနည်း ပညာသင်တန်းနှင့် တန်ဖိုးမြှင့်စားသောက်ကုန်ထုတ်လုပ်မှု နည်းပညာသင်တန်း သင်တန်းဆင်းသင်တန်းသား/သူ များအား သင်တန်းဆင်းလက်မှတ်များပေးအပ်ချီးမြှင့်သည်။

ထို့နောက် ပြည်နယ်လမ်းပန်းဆက်သွယ်ရေးဝန်ကြီးဦးညီညီဇော်က သင်တန်းထွက်ကုန်ချောပစ္စည်းများကို ပေးအပ်ပြီး အောက်ရေပူကျေးရွာအုပ်စု၊ ကျေးရွာအုပ်ချုပ်ရေးမှူးက ကျေးဇူးတင်စကားပြန်လည်ပြောကြားကာ စုပေါင်းမှတ်တမ်းဓာတ်ပုံများရိုက်ကူးကြသည်။

ယနေ့သင်တန်းဆင်းပွဲတွင် မော်တော်ဆိုင်ကယ်ပြုပြင်ထိန်းသိမ်းနည်းပညာသင်တန်းတွင် သင်တန်းသား (၁၀)ဦး၊ တန်ဖိုးမြှင့်စားသောက်ကုန်ထုတ်လုပ်မှု နည်းပညာသင်တန်းတွင် သင်တန်းသူ(၁၀)ဦး သင်တန်ဆင်းခဲ့ကြပြီး ပြည်နယ်ဝန်ကြီးချုပ်နှင့်တာဝန်ရှိသူများသည် သင်တန်းဆင်းသင်တန်းသား/သင်တန်းသူများ၊ ကျေးရွာနေပြည်သူများ အား ရင်းနှီးနွေးထွေးစွာတွေ့ဆုံနှုတ်ဆက်၍ အားပေးစကားများပြောကြားကာ သင်တန်းဆင်းများကိုယ်တိုင်ဆောင် ရွက်ထားသော သစ်သီးဖျော်ရည်၊ ယို၊ ဂျယ်လီ အစရှိသော သင်တန်းထွက်ကုန်များကို ကြည့်ရှုအားပေး၍ တာဝန်ရှိသူ များအား လိုအပ်သည်များမှာကြားခဲ့ပါသည်။